పెసలు ఆరోగ్యానికి ఎంత మంచివో చర్మానికి కూడా అంతే మంచివి. ముఖం మృదువుగా, కాంతివంతంగా మారాలంటే వారానికి ఒకసారైనా ఈ ఫేస్ ప్యాక్ వేసుకుంటే ఫలితం ఉంటుంది. డెడ్ స్కిన్ ను పూర్తిగా తొలగించడమే కాదు ముఖానికి మెరుపు కూడా తెస్తాయి.
చర్మం దగ దగ మెరిసి పోవాలంలే పెసల ఫేస్ ప్యాక్ ను ఉపయోగించుకోవచ్చునని ఆయుర్వేద నిపుణులు సూచిస్తున్నారు. పెసలలో ఇనుము, ధాతువులు పుష్కలంగా వుంటాయి. ఈ ప్యాక్ను .. ముఖానికి, చర్మానికివారానికి ఒకసారి ప్యాక్‌లా వేసుకుంటే చర్మంపై మొటిమలు మాయమవుతాయి. అలాగే చర్మం మెరిసిపోతుంది.
పెసల ఫేస్ ప్యాక్ తయారీ
రెండు స్పూన్ల పెసలను రాత్రి నాన బెట్టాలి. తెల్లారి వాటిని పేస్టులా రుబ్బాలి. ఆ పేస్టులో ఒక టీ స్పూన్ ఆల్మండ్ నూనె, ఒక టీ స్పూన్ తేనె వేసి కలపాలి. ఈ పేస్ట్ ను ముఖానికి రాసి పావుగంట తరువాత గోరువెచ్చని నీళ్లతో కడగాలి.
►ALSO READ | Health Tips: చిటికెడు ఇంగువ.. బోలెడు లాభాలు..!
లాభాలు
పెసలతో వేసుకునే ఫేస్ ప్యాక్ డెడ్ స్కిన్ ను తొలగించి, చర్మాన్ని మృదువుగా ఉంచుతుంది. నల్లటి చర్మం కూడా నెమ్మది నెమ్మదిగా తెల్లగా మారే ఛాన్స్ ఉంది. పెసల్లో ఉండే విటమిన్ ఎ, సి చర్మాన్ని కాపాడతాయి, చర్మం కంది పోకుండా చేస్తాయి. వారానికి ఒక సారైనా ఈ ఫేస్ ప్యాక్ వేసుకుంటే మంచిది.
