హైదరాబాద్, వెలుగు: గ్రూప్ 2 అభ్యర్థుల పోరాటంతో రాష్ట్ర ప్రభుత్వం దిగొచ్చింది. ఎట్టకేలకు గ్రూప్ 2 ఎగ్జామ్ ను వాయిదా వేస్తూ నిర్ణయం తీసుకుంది. ఈ నెల 29, 30 తేదీల్లో ఎగ్జామ్ జరగాల్సి ఉండగా.. నవంబర్ లో నిర్వహించనున్నట్టు ప్రకటించింది. సీఎం కేసీఆర్ ఆదేశాలతో సీఎస్ శాంతికుమారి శనివారం రాత్రి టీఎస్పీఎస్సీ చైర్మన్ జనార్దన్రెడ్డి, సెక్రటరీ అనితా రామచంద్రన్తో చర్చించారు. లక్షలాది మంది విద్యార్థులు, నిరుద్యోగులు ఆందోళన చెందుతుండడంతో పరీక్ష తేదీలను రీషెడ్యూల్ చేయాలని కోరారు. తమ సూచన మేరకు గ్రూప్ 2 పరీక్షలను నవంబర్లో నిర్వహించాలని టీఎస్పీఎస్సీ నిర్ణయం తీసుకుందని సీఎస్ ప్రకటన విడుదల చేశారు.
అంతకుముందు గ్రూప్2 ఎగ్జామ్ వాయిదా వేయనున్నట్టు మంత్రి కేటీఆర్ట్విట్టర్లో ప్రకటించారు. ‘‘గ్రూప్2 ఎగ్జామ్ కు ప్రిపేర్అవుతున్న లక్షలాది మంది విద్యార్థులు, నిరుద్యోగులకు ఎలాంటి అసౌకర్యం కలగకుండా చర్యలు చేపట్టాలి. దీనిపై టీఎస్పీఎస్సీతో చర్చించి పరీక్షను రీషెడ్యూల్చేయాలి” అని సీఎస్శాంతికుమారిని సీఎం కేసీఆర్ఆదేశించారని ఆయనట్వీట్చేశారు. ‘‘భవిష్యత్తులోనూ రిక్రూట్మెంట్నోటిఫికేషన్ల విడుదల ప్రాపర్గా ఉండాలి.
ఆయా పరీక్షలు రాసేందుకు అర్హత ఉన్నవాళ్లందరూ ప్రిపేర్అయ్యేందుకు తగిన సమయం ఇవ్వాలి. దీనిపైనా టీఎస్పీఎస్సీతో చర్చించాలి” అని సీఎస్ కు సీఎం సూచించారని పేర్కొన్నారు. కాగా, గ్రూప్2 ఎగ్జామ్ ను వాయిదా వేయాలని డిమాండ్ చేస్తూ అభ్యర్థులు రెండ్రోజుల కింద టీఎస్పీఎస్సీని ముట్టడించారు. ప్రతిపక్షాలతో పాటు బీఆర్ఎస్ నాయకులు కూడా పరీక్ష వాయిదా వేయాలని కోరారు. కొందరు ఎమ్మెల్యేలు అసెంబ్లీలోనూ ఈ అంశాన్ని ప్రస్తావించారు.
