- మినీ స్టేడియాలు, చెరువుల సుందరీకరణను త్వరగా చేపట్టాలి
- నీటి ఎద్దడి తలెత్తకుండా, ముంపునకు గురికాకుండా చూడాలి
- హనుమకొండ, వరంగల్ కలెక్టర్లు సిక్తా పట్నాయక్, ప్రావీణ్య
హనుమకొండ/వరంగల్ సిటీ, వెలుగు: గ్రేటర్‌ వరంగల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో చేపట్టిన అభివృద్ధి పనులను ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌టైంలో పూర్తి చేయాలని హనుమకొండ, వరంగల్ కలెక్టర్లు సిక్తా పట్నాయక్, ప్రావీణ్య ఆదేశించారు. బల్దియా, కాకతీయ అర్బన్‌ డెవలప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్‌ అథారిటీ ఆఫీసర్లతో గురువారం హనుమకొండ కలెక్టరేట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో రివ్యూ నిర్వహించి గ్రేటర్‌ వరంగల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ప్రస్తుతం కొనసాగుతున్న, భవిష్యత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో చేపట్టబోయే అభివృద్ధి పనులపై చర్చించారు. గ్రేటర్‌ పరిధిలో నాలుగు ప్రాంతాల్లో మినీ స్టేడియాల నిర్మాణనికి టెండర్ ప్రక్రియ పూర్తైనందున పనులు త్వరగా ప్రారంభించాలన్నారు. బంధం చెరువు అభివృద్ధి, సుందరీకరణ కోసం రూ. 3.2 కోట్లు మంజూరై టెండర్ కూడా పూర్తైందన్నారు. గ్రేటర్‌ పరిధిలో తాగునీరు సక్రమంగా అందేలా చర్యలు తీసుకోవాలని చెప్పారు. ప్రత్యేకంగా ఏర్పాటు చేసిన మానిటరింగ్‌ సెల్‌ దృష్టికి వచ్చే లీకేజీలు, నీటి సంబంధ సమస్యలు, ఫిర్యాదులను వెంట వెంటనే పరిష్కరించాలని సూచించారు.
నీటి సరఫరాలో ఏమైనా ఇబ్బందులు ఏర్పడితే ప్రత్యామ్నాయంగా ట్యాంకర్ల ద్వారా నీటిని అందించాలని చెప్పారు. నగరంలోని నాలుగు ప్రధాన నాలాలైన నయీమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌నగర్‌, భద్రకాళి, బొందివాగు, శాకరాసికుంటతో పాటు వాటికి అనుసంధానంగా ఉన్న అంతర్గత నాలాల్లో పూడికతీత పనుల్లో వేగం పెంచాలని, ఈ పనులు వర్షాకాలం ప్రారంభం కాకముందే పూర్తి చేయాలని ఆదేశించారు. నాలాల వెంట నాలా మెయిన్‌ చైన్‌ లింక్‌ ఫెన్సింగ్‌ ఏర్పాటు చేయాలని చెప్పారు. మెయిన్‌ రోడ్లపై ఉన్న అన్ని మ్యాన్‌ హోల్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు మూతలు ఉండేలా చూడాలన్నారు. కాకతీయ అర్బన్‌ డెవలప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్‌ అథారిటీ ద్వారా కొనసాగుతున్న కాళోజీ కళాక్షేత్రం పనులను స్పీడప్‌ చేయాలని, ఎట్టి పరిస్థితుల్లోనూ జూన్‌ 2 నాటికి పూర్తి చేయాలని ఆదేశించారు. భద్రకాళీ మాఢవీధుల ఏర్పాటుకు టెండర్ ప్రక్రియ పూర్తి చేయాలన్నారు. వరంగల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కొత్త బస్టాండ్‌ నిర్మాణానికి వచ్చే నెలలో శంకుస్థాపన చేసి పనులు ప్రారంభించేలా చూడాలని సంబంధిత ఆఫీసర్లకు సూచించారు. రివ్యూలో బల్దియా ఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఈలు ప్రవీణ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌చంద్ర, కృష్ణారావు, కుడా, బల్దియా ఈఈ భీమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రావు, రాజయ్య, ఏసీపీ ప్రకాశ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి, డీఈ రవికుమార్‌ పాల్గొన్నారు.
జీఎంహెచ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను సందర్శించిన హనుమకొండ కలెక్టర్
వరంగల్సిటీ, వెలుగు : హన్మకొండ ప్రభుత్వ ప్రసూతి హాస్పిటల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను బుధవారం హనుమకొండ కలెక్టర్ సిక్తా పట్నాయక్ ఆకస్మికంగా తనిఖీ చేశారు. ఈ సందర్భంగా రోగులకు అందుతున్న వైద్యసేవలు, మందుల వివరాలు, డాక్టర్లు, పారా మెడికల్‌ సిబ్బంది పై తదితర వివరాలపై ఆరా తీశారు. అనంతరం హాస్పిటల్‌ ఆఫీసర్లతో వైద్యసేవలు, భోజనంపై చర్చించారు.
