తెలుగు, తమిళ భాషల్లో దాదాపు ఇరవై ఏళ్లుగా కెరీర్ కొనసాగిస్తోంది హీరోయిన్ హన్సిక మోత్వాని, ప్రస్తుతం ఆమె నారా రోహిత్ హీరోగా నటిస్తున్న సైకలాజికల్ హారర్ థ్రిల్లర్ ' కపాలి'లో హీరోయిన్ గా కనిపించనుంది. ఆదివారం హన్సిక పుట్టినరోజు సందర్భంగా విడుదల చేసిన ఫస్ట్ లుక్ పోస్టర్ సినిమాపై ఆసక్తిని పెంచుతోంది.
ఇంటెన్స్ లుక్లో కనిపిస్తున్న ఈ పోస్టర్.. కపాలి కథలో ఆమె పాత్రకు ఉన్న ప్రాధాన్యతను సూచిస్తోంది. ఆమె చుట్టూ ఉన్న మిస్టీరియస్ ఎలిమెంట్స్ సినిమాపై మరింత క్యూరియాసిటీని పెంచుతున్నాయి. రామ్ గన్నీ దర్శకత్వం.. వహిస్తున్న ఈ చిత్రానికి కళ్యాణ చక్రవర్తి మంతిన, భాను కిరణ్ ప్రతాప నిర్మాతలుగా వ్యవహరిస్తున్నారు.
పోలీస్ బ్యాక్ డ్రాప్లో తెరకెక్కుతున్న ఈ సినిమాలో నారా రోహిత్ పోలీస్ అధికారిగా కనిపించనున్నాడు. హన్సికతో పాటు ప్రణిత పట్నాయక్, లావణ్య, చైతన్య సాగిరాజు తదితరులు కీలక పాత్రల్లో నటిస్తున్నారు.
