తెలుగులో మహేశ్ బాబు నటించిన వన్ నేనొక్కడినే సినిమాతో అందాల మెరుపు తీగ కృతి సనన్ ఎంట్రీ ఇచ్చిన సంగతి తెలిసిందే. అయితే నేడు కృతి 32వ పుట్టినరోజు. ఈ సందర్భంగా నటుడు కార్తీక్ ఆర్యన్ ఆమెకు సర్ ప్రైజ్ ఇచ్చాడు. పుట్టినరోజు శుభాకాంక్షలు తెలియజేస్తూ.. సోషల్ మీడియా వేదికగా ఓ పిక్ ను షేర్ చేశారు. షూటింగ్ స్పాట్ లో కేక్ కట్ చేసి, కృతికి తినిపిస్తూ ఫొటోకు ఫోజులిస్తున్న ఓ ఫొటోను కార్తిక్ పోస్ట్ చేస్తూ.. డైట్ ను బ్రేక్ చేయలేదు. కేవలం ఫొటోకు మాత్రమే ఫొజులిచ్చిన పరమ్ సుందరి కృతి సనన్ కు ఈ షేహ్ జాదా తరపున ప్రత్యేక జన్మదిన శుభాకాంక్షలు అనే క్యాప్షన్ ను జత చేశాడు. దీంతో ప్రస్తుతం ఈ పోస్ట్ సోషల్ మీడియాలో వైరల్ గా మారింది. అంతే కాకుండా నెటిజన్లు కూడా తమ స్ట్లైల్లో విషెస్ చెప్తూ కృతిని గ్రీట్ చేస్తున్నారు.
ఇక తెలుగులో వన్ సినిమాతో ఎంట్రీ ఇచ్చి హిట్ కొట్టిన ఈ భామ.. నాగచైతన్యతో దోచెయ్ సినిమాలో నటించింది. కానీ ఆ మూవీ అంతగా ఆడలేదు. ఆ తర్వాత బాలీవుడ్ బాట పట్టిన ఈ ముద్దుగుమ్మ ఇప్పుడు స్టార్ హీరోల సరసన నటిస్తోంది. ప్రస్తుతం ఈ బ్యూటీఫుల్ లేడీ భారీ బడ్జెట్ లో పాన్ ఇండియా రేంజ్ లో ప్రభాస్ హీరోగా తెరకెక్కుతున్న ఆదిపురుష్ సినిమాలో నటిస్తోంది. ఇక ఓం రౌత్ దర్శకత్వం వహిస్తున్న ఈ సినిమా రామాయణ నేపథ్యంలో రానుంది. ఈ మూవీలో ప్రభాస్ రాముడిగా నటిస్తుండగా.. సీత పాత్రలో కృతి నటిస్తోంది. ఈ సినిమాలో సైఫ్ అలీఖాన్ రావణ్ పాత్రలో కనిపించనున్నాడు. ఇక ఈ సినిమాతో కృతి ఖాతాలో బ్లాక్ బస్టర్ హిట్ పడటం ఖాయమని విశ్లేషకులు అంటున్నారు .
