లావణ్య త్రిపాఠీ లీడ్ రోల్ లో నటిస్తున్న సినిమా "హ్యాపీ బర్త్ డే". ఈ సినిమాలో నరేష్ ఆగస్త్య, సత్య, వెన్నెల కిషొర్, గెటప్ శ్రీను తదితరులు ఇతర ముఖ్యపాత్రల్లో నటిస్తున్నారు. ఈ సినిమాకు రితేష్ రానా డైరెక్టర్. ఈ చిత్రాన్ని క్లాప్ ఎంటర్‌టైన్‌మెంట్ సంస్థ.. ప్రముఖ నిర్మాణ సంస్థ అయిన మైత్రీ మూవీ మేకర్స్‌తో కలిసి నిర్మిస్తోంది. నవీన్ యెర్నేని, రవిశంకర్ యలమంచిలి సమర్పణలో చిరంజీవి (చెర్రి), హేమలత పెదమల్లు ఈ చిత్రాన్ని నిర్మిస్తున్నారు. జులై 8వ తేదీన ప్రపంచవ్యాప్తంగా "హ్యాపీ బర్త్ డే" సినిమాను రిలీజ్ చేస్తున్నారు.
ఈ సినిమా నుంచి విడుదల చేసిన ప్రతి కంటెంట్, రివీల్ చేసిన ప్రతి క్యారెక్టర్ ఇంట్రెస్టింగ్ గా ఉంటూ ఆకట్టుకుంటున్నాయి. ఇటీవల దర్శకుడు రాజమౌళి చేతుల మీదుగా విడుదల చేసిన ట్రైలర్ కు మంచి రెస్పాన్స్ వస్తోంది. తాజాగా ఈ సినిమా నుంచి ఓన్లీ లీగల్ పార్టీ సాంగ్ ఆఫ్ ద ఇయర్ అంటూ జోష్ ఫుల్ పాటను విడుదల చేశారు. ఈ పార్టీ సాంగ్ కు కాళభైరవ క్యాచీ ట్యూన్ ఇవ్వగా, దామినీ భాట్ల పాడారు. కిట్టూ విస్సాప్రగడ సాహిత్యాన్ని అందించారు. ఈ పాటకు లావణ్య త్రిపాఠీ డాన్స్ స్టెప్స్ ప్రత్యేక ఆకర్షణ కానున్నాయి.
ఈ చిత్రానికి సంగీతం : కాలభైరవ, డిఓపీ : సురేష్ సారంగం, ప్రొడక్షన్ డిజైనర్ : నార్ని శ్రీనివాస్, ఫైట్స్ : శంకర్ ఉయ్యాల, కాస్ట్యూమ్ డిజైనర్ : తేజ్ ఆర్, లైన్ ప్రాడ్యూసర్ : అలేఖ్య పెదమల్లు, ఎగ్జిక్యూటివ్ నిర్మాత : బాబా సాయి, చీఫ్ ఎగ్జిక్యూటివ్ నిర్మాత : బాల సుబ్రమణ్యం కేవీవీ, ప్రొడక్షన్ కంట్రోలర్ : సురేష్ కుమార్ కందుల, మార్కెటింగ్ : ఫస్ట్‌షో, పీఆర్‌ఓ : వంశీ శేఖర్, మడూరి మధు, కథ, స్క్రీన్‌ప్లే, మాటలు, దర్శకత్వం : రితేష్ రానా.
