భోపాల్: మధ్య ప్రదేశ్లో ఎడతెరిపి లేకుండా భారీ వర్షాలు కురుస్తున్నాయి. రాష్ట్రంలోని పలు ప్రాంతాల్లో పిడుగు పాటుకు గురై నలుగురు మృతి చెందారు. ముకేశ్ (28), అతడి భార్య చంపా (27) ఉమర్బన్ గ్రామంలోని తమ ఇంటికి బైక్పై వస్తుండగా పిడుగు పడటంతో అక్కడిక్కడే మృతి చెందారు. వారి కొడుకుకు తీవ్ర గాయాలయ్యాయి. లుంగ్జి కటారా (45) అనే మరో వ్యక్తి పిడుగుపాటుకు గురై మరణించారు. ఆదివారం సాయంత్రం ఝవాలియా గ్రామంలోని పొలంలో పని చేసుకుంటుండగా ఈ ఘటన జరిగింది. బర్వానీ జిల్లాలోని జునాజీరా గ్రామంలో ఓ మహిళ కూడా పిడుగు పాటుతో మృతి చెందారు.
పలు ప్రాంతాల్లో భారీ వర్షం:
మధ్యప్రదేశ్ లోని పలు ప్రాంతాల్లో గడిచిన 24 గంటల్లో 100 మీమీ కంటే అధికంగా వర్షపాతం నమోదైంది. రాష్ట్రంలోని ఝబవా జిల్లా వర్షాల కారణంగా తీవ్రంగా ప్రభావితమైంది. ఆ ప్రాంతంలో దాదాపుగా 110.3 మీమీల వర్షం కురిసింది. బర్వానీ జిల్లాలో 109 మీమీల వర్షపాతం నమోదైంది.
