టాలీవుడ్ టాలెంటెడ్ హీరో నిఖిల్(Nikhil Siddarth), కలర్స్ ఫేమ్ స్వాతి(Swathi) జంటగా వచ్చిన స్వామిరారా(SwamyRaRa) సినిమా ఎంత పెద్ద సక్సెస్ అయిందో ప్రత్యేకంగా చెప్పాల్సిన పనిలేదు. దర్శకుడు సుధీర్ వర్మ(Sidheer varma) తెరకెక్కించిన ఈ క్రైమ్ అండ్ కామెడీ ఎంటర్టైనర్ బాక్సాఫీస్ దగ్గర సూపర్ హిట్ గా నిలిచింది. నిజం చెప్పాలంటే నిఖిల్ కెరీర్ నిలబడటానికి ఈ సినిమానే కారణం. ఈ సినిమా తరువాతనే నిఖిల్ కెరీర్ తరుణ్ అయింది. కేవలం రూ.3 కోట్లతో తెరకెక్కించిన ఈ సినిమా ఏకంగా రూ.10 కోట్లు కలెక్ట్ చేసి నిర్మాతలకు భారీ లాభాలు తెచ్చిపెట్టింది.
అయితే.. ఈ సినిమా గురించి తాజాగా హీరో నిఖిల్ పెట్టిన పోస్ట్ సోషల్ మీడియాలో వైరల్ గా మారింది. తన కెరీర్ లో టర్నింగ్ పాయింట్ గా వచ్చిన స్వామిరారా విడుదలై 11 ఏళ్ళు పూర్తయిన సంధర్బంగా ఈ సినిమా సీక్వెల్ పై పోస్ట్ పెట్టారు నిఖిల్. గాయ్స్.. స్వామిరారా 2 తీద్దామా? ఈ సినిమాకు సీక్వెల్ చేయొచ్చు.. మీరేమంటారు అంటూ హీరోయిన్ స్వాతి, డైరెక్టర్ సుధీర్ వర్మను ట్యాగ్ చేసాడు. దీంతో ఈ పోస్ట్ కాస్త సోషల్ మీడియాలో వైరల్ గా మారింది.
ఈ పోస్ట్ చూసిన స్వామిరారా ఫ్యాన్స్ ఫుల్ ఖుషీ అవుతున్నారు. నిజానికి ఈ సినిమా సీక్వెల్ కోసం ఆడియన్స్ కూడా చాలా కాలంగా ఎదురుచూస్తున్నారు. తాజాగా నిఖిల్ పెట్టిన పోస్ట్ తో.. అన్నా తొందరగా సీక్వెల్ ప్లాన్ చేయండన్నా అంటూ కామెంట్స్ చేస్తున్నారు. మరి నిజంగా ఈ సినిమాకు సీక్వెల్ రానుందా? నిఖిల్ చేసిన ఈ ప్రపోజల్ పై దర్శకుడు సుధీర్ వర్మ ఎలా రియాక్ట్ అవుతారో చూడాలి.
