హైదరాబాద్ : హోంగార్డు రవీందర్ అంత్యక్రియలు చాంద్రాయణగుట్టలోని నల్లవాగు స్మశానవాటికలో పూర్తయ్యాయి. అశ్రునయనాల మధ్య కుటుంబ సభ్యులు రవీందర్ అంత్యక్రియలు నిర్వహించారు. చివరిసారి చూసేందుకు రవీందర్ బంధువులు, స్థానికులు పెద్ద సంఖ్యలో తరలివచ్చి.. కన్నీటి వీడ్కోలు పలికారు.
అంతకుముందు..
తమ కుటుంబానికి న్యాయం చేయాలని రవీందర్ భార్య సంధ్య ఆందోళన చేయడంతో పోలీసు అధికారులు చర్చలు జరిపారు. ఉద్యోగం ఇస్తామని డీసీపీ హామీ ఇవ్వడంతో సంధ్య నిరసన విరమించారు.
సుదీర్గ చర్చల అనంతరం సంధ్య ఆందోళన విరమించారు. రవీందర్ డెడ్బాడీకి పోస్టుమార్టం నిర్వహించేందుకు ఆమె అంగీకరించారు. తన పిల్లల భవిష్యత్తు కోసం తాను ఈ నిర్ణయం తీసుకున్నట్లు చెప్పారు. ఉస్మానియా మార్చురీలో రవీందర్ డెడ్ బాడీకి పోస్టుమార్టం పూర్తి చేశారు. ఆ తర్వాత డెడ్బాడీని ఉప్పుగూడలోని రవీందర్ ఇంటికి తరలించారు పోలీసులు.
రవీందర్ భార్య సంధ్యకు ఏ ఉద్యోగం ఇస్తారానే దానిపై మాత్రం క్లారిటీ లేదు. పోలీసు ఉన్నతాధికారులతో మాట్లాడిన తర్వాత క్లారిటీ రానుంది. పోలీస్డిపార్ట్ మెంట్ లో కాకుండా వేరే ఎక్కడైనా ఉద్యోగం కల్పించాలని కోరానని సంధ్య చెప్పారు. రవీందర్భార్యను శనివారం (సెప్టెంబర్ 9న) సీపీ దగ్గరకు తీసుకెళ్లనున్నారు. ఏ డిపార్ట్ మెంట్ లో ఉద్యోగం ఇవ్వనున్నారనే విషయం సెప్టెంబర్ 9న తేలనుంది.
