- రేసులో ఆరుగురులోకల్ ప్రొఫెసర్లు
- సమర్థుడి వేటలో గవర్నమెంట్ ప్రత్యేక ఫోకస్
- సెర్చ్ కమిటీకి బాధ్యత.. వర్సిటీలో ఉత్కంఠ
నిజామాబాద్, వెలుగు: నిజామాబాద్ జిల్లాలోని తెలంగాణ వర్సిటీ వీసీ పోస్టుకు భారీ డిమాండ్ నెలకొంది. మొత్తం 133 మంది దరఖాస్తులు చేసుకోగా, అందులో ఆరుగురు వర్సిటీకి చెందిన ప్రొఫెసర్లు ఉన్నారు. వీరందరినీ జల్లెడ పట్టి ముగ్గురి పేర్లను గవర్నర్కు రికమెండ్ చేసే బాధ్యత సెర్చ్ కమిటీకి సర్కారు అప్పగించింది. అయితే, వీసీ హోదాలో రవీందర్ గుప్తా వివాదాస్పద తీరు, అవినీతి వలతో వర్సిటీ పరువును స్టేట్ లెవల్లో దిగజారింది. గతేడాది జూన్17న ఆయన ఏసీబీకి చిక్కి జైలుకు వెళ్లినప్పటి నుంచి ఇన్ఛార్జి వీసీలే కొనసాగుతూ వచ్చారు. ఈ క్రమంలో గత లోపాలన్నీ సరిచేసి పాలనను గాడిలో పెట్టేందుకు కాంగ్రెస్ ప్రభుత్వం నడుం బిగించింది.
సెర్చ్ కమిటీ కోర్టులో బంతి
ఈసీ పర్మిషన్ రావడంతో వీసీ పోస్టుకు ముగ్గురి పేర్లను సిఫారసు చేసే బాధ్యతను ముగ్గురు సభ్యులతో కూడిన సర్చ్ కమిటీకి గవర్నమెంట్అప్పగించింది. ఇందులో టీయూ వర్సిటీ తరఫున ప్రొఫెసర్సులేమాన్ సిద్దిఖీ, యూజీసీ తరఫున రాజేశ్వర్సింగ్ ఛండేల్, గవర్నమెంట్పక్షాన ఛీప్ సెక్రటరి శాంతికుమారి ఉన్నారు. ఈ కమిటీ సిఫారసు చేసే ముగ్గురిలో ఒకరిని గవర్నర్అపాయింట్ చేస్తారు. ఇప్పుడు సెర్చ్ కమిటీ నిర్ణయంపై అందరి దృష్టి కేంద్రీకృతమై ఉంది. తెలంగాణ వర్సిటీ వీసీ పోస్టు కోసం మొత్తం 133 మంది అప్లికేషన్లు పెట్టారు. వీరందరి గుణగణాలు తెలుసుకోవడానికి గవర్నమెంట్ విజిలెన్స్ శాఖతో ఇప్పటికే ఎంక్వైరీ చేయించి రిపోర్టు తెప్పించుకుంది.
అవినీతిమచ్ఛలేని వీసీ కోసం..
గత బీఆర్ఎస్ హయాంలో వీసీ పోస్టును వేలం పాటతో దక్కించుకునేవారనే ప్రచారం ఉంది. టీయూ వీసీగా రవీందర్గుప్తా నియమితులయ్యాక ఆయన అవినీతి వ్యవహారాలు వర్సిటీ పరువు తీశాయి. ఒక కాలేజీ యజమాని నుంచి ఆయన లంచం తీసుకుంటూ గతేడాది జూన్ 17న ఏసీబీకి రెడ్ హ్యాండెడ్ గాపట్టుబడ్డాడు. ఈ క్రమంలో అవినీతిమచ్ఛలేని వీసీని టీయూకు ఇవ్వాలని కాంగ్రెస్ గవర్నమెంట్ నిర్ణయించి ముందుకు వెళ్తోంది. ప్రొఫెసర్గా పదేళ్ల అనుభవం, 70 ఏండ్లలోపు వయస్సు ఉన్న వారినే వీసీలుగా అపాయింట్ చేస్తారు. ప్రధానంగా టీయూ రిజిస్ట్రార్ యాదగిరి, ఈ మధ్యే ప్రొఫెసర్గా రిటైరైన మైనారిటీ మహిళ నసీం, ప్రొఫెసర్ ఖైసర్ అహ్మద్, ప్రొఫెసర్అరుణ, ఎస్సీ సామాజికవర్గం నుంచి ఫ్రొఫెసర్ కనకయ్య, ప్రొఫెసర్ విద్యావర్ధిని వీసీ రేస్లో
ఉన్నారు.
ఈసీ పర్మిషన్తో ముందుకు
ఆర్జీయూ కేటీ, తెలంగాణ మహిళా యూనివర్సిటీ మినహా స్టేట్లోని 10 వర్సిటీల్లో వీసీల నియామకానికి రేవంత్ రెడ్డి ప్రభుత్వం ఏర్పడిన వెంటనే జనవరిలో నోటిఫికేషన్ జారీ చేసింది. మే 21కి చాలా చోట్ల వీసీల పదవీకాలం ముగిసిన నేపథ్యంలో అంతకుముందే భర్తీలు ముగించాలని సర్కారు యోచించింది. ఇంతలో పార్లమెంట్ఎన్నికల కోడ్అమల్లోకి రావడంతో ప్రక్రియకు బ్రేక్ పడింది. ప్రస్తుతం రాష్ట్రంలో పోలింగ్ముగియడంతో వీసీలను అపాయింట్చేసేందుకు పర్మిషన్ ఇవ్వాలని గవర్నమెంట్ఈసీని కోరగా, గ్రీన్సిగ్నల్ ఇచ్చింది.
