- సైబరాబాద్లో 3 జోన్లు, 22 పీఎస్లు, మల్కాజిగిరి పరిధిలో 4 జోన్లు, 30 పీఎస్లు
- ఫ్యూచర్సిటీలో మూడు జోన్లు, 22 పీఎస్లు
- ప్రతిపాదిత మ్యాపులు విడుదల
హైదరాబాద్సిటీ/ ఇబ్రహీంపట్నం, వెలుగు: జీహెచ్ఎంసీలో 27 శివారు లోకల్ బాడీలను విలీనం చేసిన సర్కారు.. అంతే వేగంగా మూడు పోలీస్ కమిషనరేట్లను పునర్వ్యవస్థీకరించిన సంగతి తెలిసిందే. అంతేగాకుండా ఫ్యూచర్సిటీ పేరిట కొత్త కమిషనరేట్నూ ఏర్పాటు చేసింది. ఇంతకు ముందున్న హైదరాబాద్, సైబరాబాద్ కమిషనరేట్ల పేరును అలాగే ఉంచిన సర్కారు.. రాచకొండ కమిషనరేట్ పేరును మల్కాజిగిరిగా మార్చింది.
ఇంతకుముందు దీనికి కమిషనర్గా ఉన్న సుధీర్బాబును ఫ్యూచర్సిటీ కమిషనర్గా పంపి.. మల్కాజిగిరికి సైబరాబాద్సీపీ అవినాశ్మహంతీని బదిలీ చేసింది. సైబరాబాద్స్థానం ఖాళీ కావడంతో రమేశ్రెడ్డికి బాధ్యతలు అప్పజెప్పింది. మంగళవారం వీరంతా బాధ్యతలు స్వీకరించారు. ఈ నేపథ్యంలో పోలీస్కమిషనరేట్ల పరిధిలోకి వచ్చే జోన్లు, డివిజన్లు, పోలీస్స్టేషన్ల వివరాలకు సంబంధించిన ప్రతిపాదిత మ్యాపులు విడుదల చేశారు. చివరలో ఏమైనా చిన్న చిన్న మార్పులు మాత్రమే ఉండవచ్చని , లేనిపక్షంలో ఇలాగే ఉండే అవకాశం ఉంటుందంటున్నారు.
హైదరాబాద్లో ఇలా..
హైదరాబాద్కమిషనరేట్పరిధిలో 7 జోన్లు, 26 డివిజన్లు, 72 పోలీస్స్టేషన్లను చేర్చారు. ఇంతకుముందున్న చార్మినార్, గోల్కొండ, ఖైరతాబాద్–1, ఖైరతాబాద్–2, సికింద్రాబాద్కు అదనంగా రాజేంద్రనగర్, శంషాబాద్జోన్లను జత చేశారు.
రాజేంద్రనగర్పరిధిలో రాజేంద్రనగర్, చాంద్రాయణగుట్ట, ఫలక్నుమా డివిజన్లు.., చాంద్రాయణగుట్ట డివిజన్లో చాంద్రాయణగుట్ట, బండ్లగూడ, కంచన్బాగ్, మైలార్దేవ్పల్లి పీఎస్లను.., ఫలక్నుమా డివిజన్లో కామాటిపురా, ఫలక్నుమా, బహదూర్పురా, కాలాపత్తర్పోలీస్స్టేషన్లను..,అలాగే, రాజేంద్రనగర్ డివిజన్లో అత్తాపూర్, రాజేంద్రనగర్పీఎస్లను చేర్చారు.
శంషాబాద్ జోన్ విషయానికి వస్తే ఇందులో ఆదిబట్ల, ఆర్జీఐఏ( రాజీవ్గాంధీ ఇంటర్నేషనల్ఎయిర్పోర్ట్) డివిజన్లను పొందుపర్చి ..ఆదిబట్ల డివిజన్లో ఆదిబట్ల, బాలాపూర్, బడంగ్పేట పీఎస్లను, ఆర్జీఐఏ పరిధిలో పహడీ షరీఫ్, ఆర్జీఐఏ పోలీస్స్టేషన్లను చేర్చారు.
సైబరాబాద్, మల్కాజిగిరి పరిధిలో..
సైబరాబాద్పరిధిలో 3 జోన్లు, 7 డివిజన్లు, 22 పోలీస్స్టేషన్లను చేర్చారు. ఇందులో శేరిలింగంపల్లి, కూకట్పల్లి, కుత్బుల్లాపూర్జోన్లున్నాయి. శేరిలింగంపల్లి పరిధిలో ఆర్సీపురం, నార్సింగి డివిజన్లు.., కూకట్పల్లిలో కేపీహెచ్బీ, బాలానగర్, మాదాపూర్డివిజన్లు.., కుత్బుల్లాపూర్జోన్లో మేడ్చల్, కుత్బుల్లాపూర్డివిజన్లు ఉన్నాయి. ఇక మల్కాజిగిరి కమిషనరేట్(పాత రాచకొండ కమిషనరేట్)పరిధిలో ఎల్బీనగర్, మల్కాజిగిరితో పాటు అదనంగా బేగంపేట్, ఉప్పల్జోన్లు ఉన్నాయి. ఈ కమిషనరేట్లో మొత్తంగా 4 జోన్లు, 10 డివిజన్లు, 30 పోలీస్స్టేషన్లు ఉన్నాయి.
ఫ్యూచర్సిటీకి 22 పోలీస్స్టేషన్లు
ఫ్యూచర్సిటీ కమిషనరేట్ ను రంగారెడ్డి కలెక్టరేట్లోని ఫస్ట్ ఫ్లోర్లో తాత్కాలికంగా ఏర్పాటు చేయగా, 3 జోన్లు, 6 డివిజన్లు,22 పీఎస్లు ఉన్నాయి. షాద్ నగర్, మహేశ్వరం, మొయినా బాద్ జోన్లు రానున్నాయి. అలాగే, ఇబ్రహీంపట్నం, మహేశ్వరం, చేవెళ్ల, మొయినాబాద్, ఆమన్ గల్, షాద్ నగర్ డివిజన్లలోని 22 పోలీస్స్టేషన్లు ఈ కమిషనరేట్లో పని చేయనున్నాయి.
ఇబ్రహీంపట్నం పరిధిలోని పీఎస్లలో ఇబ్రహీంపట్నం, మంచాల, యాచారం, కడ్తాల్.., మహేశ్వరం పరిధిలో కందుకూరు, మహేశ్వరం, ఫార్మాసిటీ పోలీస్స్టేషన్లు..,చేవెళ్ల పరిధిలో చేవెళ్ల, మోకిల, శంకర్పల్లి పీఎస్లు..,మొయినాబాద్ పరిధిలో మొయినాబాద్, షాబాద్, శంషాబాద్ పోలీస్స్టేషన్లు రానున్నాయి. అలాగే, ఆమనగల్లో ఆమనగల్, కేశంపేట్, మాడ్గుల, తలకొండపల్లి ఉన్నాయి. షాద్నగర్లో చౌదరిగూడెం, కొందుర్గ్, కొత్తూర్, నందిగామ, షాద్ నగర్ ఉన్నాయి.
