పిల్లలు అల్లరి చేస్తే బాగానే ఉంటుంది. కానీ అదే అల్లరి అతిగా మారితే కొన్ని ఇబ్బందులుంటాయి. పిల్లలు హైపరాక్టివ్‌‌‌‌‌‌‌‌గా మారితే వాళ్ల ఎమోషన్స్ కూడా అతిగా మారే అవకాశం ఉంది. అందుకే హైపరాక్టివ్ పిల్లల అల్లరిని చిన్నప్పటి నుంచే తగ్గించాలి.
- పిల్లలు హైపరాక్టివ్‌‌‌‌‌‌‌‌గా ఉండడం వల్ల పెద్దగా మాట్లాడతారు, వద్దన్న పనే చేస్తుంటారు. వీళ్లకు కోపం కూడా ఎక్కువ. చిన్న వయసులో వాళ్లని సరిచేయకపోతే పెద్దయ్యే కొద్దీ మరింత మొండిగా మారే అవకాశం ఉంటుంది.
- పిల్లల్లో హైపరాక్టివ్‌‌‌‌‌‌‌‌నెస్‌‌‌‌‌‌‌‌ను తగ్గించాలంటే వాళ్లు తినే ఫుడ్‌‌‌‌‌‌‌‌ను మార్చాలి. షుగర్ కంటెంట్‌ తగ్గించి.. కాయగూరలు, పండ్లు, పాలు లాంటివి ఎక్కువ ఇవ్వాలి.
- హైపరాక్టివ్‌‌‌‌‌‌‌‌గా ఉండే పిల్లల స్ర్కీన్‌‌‌‌‌‌‌‌టైం తగ్గించాలి. హైపరాక్టివ్‌‌‌‌‌‌‌‌గా ఉండే పిల్లలు వీడియో గేమ్స్‌‌‌‌‌‌‌‌కు ఎక్కువగా ఎడిక్ట్ అవుతారు. గేమ్ ఓడిపోయినప్పుడల్లా వాళ్లకు కోపం, చిరాకు లాంటివి పెరుగుతుంటాయి.
- హైపరాక్టివ్ పిల్లలను మరింత గారాబం చేయడం వల్ల వాళ్ల అల్లరి మరింత పెరుగుతుంది. అందుకే వీళ్లతో కొంత స్ట్రిక్ట్‌‌‌‌‌‌‌‌గా ఉండాలి. స్కూల్ కెళ్లడం, తినడం లాంటి విషయాల్లో కచ్చితంగా వ్యవహరించాలి.
- పేరెంట్స్ తరచుగా కోప్పడడం, గట్టిగా అరవడం వంటివి చేస్తుంటే ‘అలా చేయడం కరెక్టే’ అనుకుంటారు పిల్లలు. వాళ్లూ అదే రిపీట్ చేస్తారు. పిల్లలకు మ్యూజిక్, ఆర్ట్ నేర్పించడం ద్వారా వాళ్లలోని హైపరాక్టివ్‌‌‌‌‌‌‌‌నెస్‌‌‌‌‌‌‌‌ను తగ్గించొచ్చు.
