పిల్లలు పెద్దయ్యాక ఎమోషనల్గా స్ట్రాంగ్గా ఉండాలి, సొంతంగా నిర్ణయాలు తీసుకోవాలి అంటే పేరెంట్స్ ఇలా ఉండాలి...
- పిల్లలు మెచ్యూర్డ్గా లేరని, చిన్న చిన్న విషయాలకు భయపడుతున్నారని, తప్పులు చేస్తున్నారని.. కోప్పడుతుంటారు తల్లిదండ్రులు. దానివల్ల తమకు తామే తప్పు చేస్తున్నట్లు ఫీలౌతారు. నిర్ణయాలు తీసుకోలేరు. అందుకే పిల్లలు తప్పులు చేస్తే.. వాటినెలా సరిదిద్దుకోవాలో చెప్పాలే తప్ప.. వాళ్లని తక్కువ చేసి మాట్లాడకూడదు.
- పిల్లలు తీసుకునే నిర్ణయాల్లో.. పెద్దలు తలదూర్చకూడదు. కాకపోతే గైడెన్స్ ఇవ్వాలి. దీనివల్ల డెసిషన్ మేకింగ్ పవర్ పెరుగుతుంది. అలా కాదని, వాళ్ల నిర్ణయాలు కూడా తల్లిదండ్రులే తీసుకుంటే పెద్దయ్యాక సమస్య అవుతుంది.
- పిల్లల్ని భయపెట్టడం, కొట్టడం లాంటివి చేస్తే వాళ్లు ఎమోషనల్గా వీక్ అవుతారు. వాళ్ల ఎమోషన్స్ని బలవంతంగా కంట్రోల్ చేయాలని చూసినా ఇబ్బందే. అందుకే వాళ్లని వాళ్లలా ఉండనివ్వాలి. పరిస్థితి చెయ్యి దాటినట్టు అనిపిస్తే నచ్చజెప్పాలే తప్ప చెయ్యి చేసుకోకూడదు.
- ‘నేను నీకు అది కొనిపెట్టలేను.. ఆర్థికంగా మన పరిస్థితి’ ఇది అనే మాటలు పిల్లలకు పదేపదే చెప్తే.. వాళ్లలో విక్టిమ్ మెంటాలిటీ పెరుగుతుంది. అంటే వాళ్లని వాళ్లు నిస్సహాయులుగా అనుకుంటారు. ప్రయత్నించకుండానే చేయాల్సిన పనిని వదిలేస్తారు. అందుకే పిల్లలకి ఫైనాన్షియల్ స్టేటస్ గురించి చెప్పేటప్పుడు జాగ్రత్తగా చెప్పాలి.
