- కరెంట్ ఉత్పత్తి, సాగు, తాగునీటికి గోస పడుతం
- జాతీయ హోదా తెస్తామని చెప్పి.. ప్రాజెక్టులను కేంద్రానికి ఎలా ఇస్తారని ప్రశ్న
హైదరాబాద్, వెలుగు: కృష్ణా నదిలో తెలంగాణ హక్కులను రాష్ట్ర ప్రభుత్వం కాపాడాలని మాజీ మంత్రి హరీశ్రావు అన్నారు. పాలమూరు – రంగారెడ్డికి జాతీయ హోదా తెస్తామని చెప్పి ఢిల్లీకి పోయిన కాంగ్రెస్ ప్రభుత్వం శ్రీశైలం, నాగార్జునసాగర్ ప్రాజెక్టులను కేఆర్ఎంబీకి అప్పగించి వచ్చిందని ఆరోపించారు. రెండు ఉమ్మడి ప్రాజెక్టులను కృష్ణా బోర్డుకు అప్పగిస్తే తెలంగాణ తన హక్కులను కోల్పోతుందని అన్నారు. శ్రీశైలం, నాగార్జునసాగర్లలో హైడల్పవర్జనరేషన్తో పాటు సాగు, తాగునీటి కోసం గోస పడుతామని హెచ్చరించారు.
శుక్రవారం తెలంగాణ భవన్లో ఎమ్మెల్సీ దేశపతి శ్రీనివాస్, మాజీ ఎంపీ రావుల చంద్రశేఖర్రెడ్డితో కలిసి ఆయన మీడియాతో మాట్లాడారు. రాజకీయాలు మాట్లాడటానికి తమకు తొందర లేదని, మాట్లాడాల్సిన టైమ్లో వాటిని మాట్లాడుతాని, ఇప్పుడు రాష్ట్ర ప్రయోజనాలకు గొడ్డలి పెట్టుగా మారబోతున్న అంశాలపై మాట్లాడుతున్నానని హరీశ్అన్నారు. ఎన్నికలప్పుడు రాజకీయాలు చేద్దామని, రాష్ట్ర ప్రయోజనాల కోసం ఒక్కటవుదామని సూచించారు. రెండు రాష్ట్రాలకు ఉమ్మడి ప్రాజెక్టులుగా ఉన్న శ్రీశైలం, నాగార్జున సాగర్ కేఆర్ఎంబీ పరిధిలోకి వెళ్తాయని ఢిల్లీలో జరిగిన సమావేశంలో నిర్ణయించినట్టుగా తెలుస్తోందని, ఇదే జరిగితే తెలంగాణ నష్టం, ఏపీకి లాభమన్నారు. 2021 జులై15న ఈ రెండు ప్రాజెక్టులను కేఆర్ఎంబీ పరిధిలోకి తేవాలని కేంద్రం ప్రయత్నిస్తే అప్పటి ప్రభుత్వంలో ఉన్న తాము గట్టిగా వ్యతిరేకించామన్నారు.
గతంలో షరతులు పెట్టినం..
కృష్ణా జలాలను ఒక్క ఏడాది కోసం పంచుకునేలా తాత్కాలిక అగ్రిమెంట్చేసుకుంటే దాన్నే కేంద్రం కొనసాగిస్తున్నదని, ఇలాంటి పరిస్థితుల్లో కొత్త ట్రిబ్యునల్నీటి వాటాలు తేల్చే వరకు రెండు రాష్ట్రాలకు కృష్ణా నీళ్లలో చెరిసగం వాటా ఇవ్వాలని డిమాండ్చేశామని హరీశ్రావు అన్నారు. ప్రాజెక్టుల ఆపరేషన్మ్యానువల్ లేకుండా, తెలంగాణకు నీటి కేటాయింపులు లేకుండా ప్రాజెక్టులను బోర్డుకు అప్పగిస్తామని కాంగ్రెస్ప్రభుత్వం ఎలా ఒప్పుకుంటుందని ప్రశ్నించారు. సీఎం, డిప్యూటీ సీఎం పాలమూరుకు జాతీయ హోదా తెస్తామని ఢిల్లీకి వెళ్లి.. కేంద్రమంత్రి జాతీయ హోదా ఇవ్వలేమని చెప్తే ఒప్పుకున్నట్టే కాంగ్రెస్ప్రభుత్వం ఈ ప్రాజెక్టులను కృష్ణా బోర్డుకు అప్పగించేందుకు ఒప్పుకున్నట్టు అనిపిస్తున్నదన్నారు. ఇది జగన్విజయం అన్నట్టుగా ఆ రాష్ట్రంలో పత్రికలు వార్తలు రాశాయని తెలిపారు. కేసీఆర్ ప్రభుత్వం ఢిల్లీలోని బీజేపీ ప్రభుత్వం మెడలు వంచి కృష్ణా నీళ్ల పంపిణీకి కొత్త ట్రిబ్యునల్ఏర్పాటు చేయించిందని హరీశ్రావు తెలిపారు. ప్రాజెక్టులను బోర్డుకు అప్పగిస్తే హైడల్పవర్జనరేషన్లో స్వయం ప్రతిపత్తి కోల్పోతామని, నాగార్జున సాగర్ఎడమ కాలువ ఆయకట్టు దెబ్బతింటుందని, హైదరాబాద్తో పాటు దక్షిణ తెలంగాణకు తాగునీటి ఇక్కట్లు తలెత్తుతాయని, పాలమూరు– రంగారెడ్డి, డిండి లిఫ్ట్ స్కీంలు, శ్రీశైలం లెఫ్ట్బ్యాంక్ కెనాల్ప్రాజెక్టులకు నీటి లభ్యత లేకుండా పోయే ప్రమాదముందన్నారు. కృష్ణా నదిపై కొత్తగా ఏ ప్రాజెక్టు చేపట్టాలన్న కేఆర్ఎంబీ అనుమతి తప్పనిసరి అవుతుందన్నారు. శ్రీశైలం లెఫ్ట్బ్యాంక్, సాగర్మెయిన్పవర్హౌస్, లెఫ్ట్కెనాల్పవర్హౌస్కలిపి 1,775 మెగావాట్ల కరెంట్ ఉత్పత్తికి విఘాతం కలుగుతుందని, తద్వారా గ్రిడ్కోలాప్స్అయ్యే ప్రమాదముందన్నారు. ఏటా 5 వేల మిలియన్యూనిట్ల కరెంట్కోల్పోతామన్నారు.
ఆయకట్టుకు నీళ్లు ఇవ్వాలి..
తెలంగాణ రాష్ట్రం ఏర్పడకముందే బీజేపీ, కాంగ్రెస్కలిసి సీలేరు హైడల్పవర్ప్రాజెక్టుతో పాటు ఉమ్మడి ఖమ్మం జిల్లాలోని ఏడు మండలాలను ఏపీలో కలిపేశాయని, ఇప్పుడు శ్రీశైలం, సాగర్ను బోర్డు చేతిలో పెడుతున్నాయని తెలిపారు. మేడిగడ్డ నుంచి ఇప్పుడు కూడా నీళ్లు ఎత్తిపోయవచ్చని తెలిపారు. బ్యారేజీ డ్యామేజీలను సాకుగా చూపించి ఎస్సారెస్పీ స్టేజీ–2 ఆయకట్టుకు నీళ్లు ఇవ్వకపోవడం సరికాదన్నారు. కొండపోచమ్మసాగర్, మల్లన్నసాగర్లో నిల్వ ఉన్న నీటిని దాని కింద ఆయకట్టుకు ఇవ్వాలన్నారు. తెలంగాణ ప్రయోజనాల కోసం ఎంతవరకైనా పోరాడుతామని హరీశ్రావు పేర్కొన్నారు.
