తెల్ల వెంట్రుకలు కనిపించకుండా వేసుకున్న ఆ రంగు ఎక్కువ రోజులు ఉండాలంటే కొన్ని జాగ్రత్తలు తీసుకోవాలి అంటున్నారు హెయిర్ కేర్ ఎక్స్పర్ట్స్.
- రంగు వేసుకున్న మూడు రోజుల వరకు షాంపూ పెట్టకూడదు. అప్పుడే రంగు వెంట్రుకలకి బాగా అతుక్కుని ఎక్కువ రోజులు ఉంటుంది.
- తలస్నానం చేసేటప్పుడు మామూలు షాంపూ బదులు కలర్ ప్రొటెక్ట్ చేసే షాంపూ వాడాలి. ఈ షాంపూలు జుట్టు పీహెచ్ని కాపాడతాయి. దాంతో జుట్టు దెబ్బతినదు.షాంపూతో తలస్నానం చేశాక జుట్టుకి కండీషనర్ వాడాలి.
- కండీషనర్ వాడనప్పుడు హెయిర్ మాస్క్ వాడినా, నూనె రాసుకున్నా ఓకే. బ్లోయర్ వాడొద్దు.
- ప్రతిరోజు జుట్టుని శుభ్రం చేసుకోవద్దు. అలాచేస్తే వెంట్రుకలు రంగుపోయి పొడి బారినట్టు కనిపిస్తాయి. మాడు జిడ్డుగా ఉంటే సాధారణ షాంపూ కాకుండా డ్రై షాంపూ వాడాలి.
