హైదరాబాద్, వెలుగు: 2026లో కులగణనతో కూడిన జనగణన చేపడుతున్న ప్రధాని మోదీనే.. అభినవ పూలే అని బీజేపీ రాజ్యసభ సభ్యుడు, ఓబీసీ మోర్చా జాతీయ అధ్యక్షుడు లక్ష్మణ్ అన్నారు. రాష్ట్రంలో బీఆర్ఎస్ హయాంలో బీసీలకు అన్యాయం జరిగిందని, ఇప్పుడు రేవంత్ సర్కార్ కూడా అదే బాటలో నడుస్తున్నదని విమర్శించారు. జ్యోతిరావు పూలే వర్ధంతి సందర్భంగా నాంపల్లిలోని బీజేపీ హెడ్ ఆఫీస్లో ఆయన ఫొటోకు బీజేపీ రాష్ట్ర అధ్యక్షుడు రాంచందర్రావు, లక్ష్మణ్ పూలమాలలు వేసి నివాళులర్పించారు.
