వరంగల్ బల్దియాలో ఘటన
వరంగల్సిటీ, వెలుగు : వరంగల్ బల్దియాలో సోమవారం జరిగిన ప్రజావాణిలో న్యాయం కోసం ఆందోళనకు దిగిన బాధితుడిని సెక్యూరిటీ గార్డులతో మెడపట్టి బయటకు గెంటేయించారు. హన్మకొండ మండలం హంటర్రోడ్డు శాయంపేటకు చెందిన నంబూరి చారుమతి ఈమె బంధువు సిద్దార్థ్లకు స్థానికంగా భూమి ఉంది. ఇది వివాదంలో ఉండగా కోర్టులో కేసు నడుస్తోంది. ఈ భూమిలో ఎలాంటి నిర్మాణాలకు పర్మిషన్ ఇవ్వవద్దని, ఇంటి నంబర్ కేటాయించవద్దని బాధితులు పలుమార్లు బల్దియాగ్రీవెన్స్లో ఫిర్యాదు చేశారు. అయినప్పటికీ గత నెలలో ఇంటి నిర్మాణానికి పర్మిషన్తో పాటు నంబర్ కూడా ఇచ్చారు.
దీంతో మూడు సార్లు ప్రజావాణిలో ఫిర్యాదు చేశారు. అయినా పట్టించుకోకపోవడంతో సోమవారం జరిగిన గ్రీవెన్స్లో ఆందోళన చేయడానికి ప్రయత్నించారు. దీంతో అధికారులు సిద్దార్థ్ను ప్రజావాణి హాలు నుంచి సెక్యూరిటీ గార్డులతో బయటకు గెంటివేయించారు. ఈ ఘటనపై అధికారుల వివరణ కోరగా ఇరువర్గాల వాదనలు వింటామని, పిలిపించి మాట్లాడి న్యాయం చేస్తామని చెప్పారు.
