హైదరాబాద్, వెలుగు: అకాడమిక్ ఫైనల్, ఎంట్రెన్స్ ఎగ్జామ్స్ సీజన్ కావడంతో స్టూడెంట్స్ పుస్తకాలతో కుస్తీ పడుతుంటారు. ఇప్పుడే ఐపీఎల్ షెడ్యూల్ వచ్చింది. దీంతో క్రికెట్ చూస్తూ టీవీలు ముందు కూర్చొని, మొబైల్ లో చూస్తూ పిల్లలు ఎగ్జామ్స్ ప్రిపరేషన్పై సరిగా దృష్టి పెట్టరేమోననే టెన్షన్ పేరెంట్స్, టీచర్స్లో పట్టుకుంది.
ఒకవైపు ఎగ్జామ్స్.. మరోవైపు ఐపీఎల్..
ఇంటర్ఎగ్జామ్స్ కంప్లీట్ అయ్యాయి. ప్రస్తుతం టెన్త్ క్లాస్పరీక్షలు కొనసాగుతుండగా.. ఏప్రిల్ 2న ముగుస్తాయి. అదే నెల 8న 1 నుంచి 9 క్లాసులకు ఎగ్జామ్స్ప్రారంభమవుతాయి. ఇవే కాకుండా ఎంసెట్, పీజీ సెట్, పాలి సెట్, డిగ్రీ సెమిస్టర్లు ఎగ్జామ్స్కూడా జరుగుతాయి. అయితే.. ఈనెల 22 నుంచే ఐపీఎల్ సీజన్ షురూ కానుంది. మొత్తం 74 మ్యాచ్ లకు ప్రస్తుతం 21కే షెడ్యూల్ప్రకటించగా.. అవి ఏప్రిల్7 వరకు జరుగుతాయి. మిగతా మ్యాచ్ల షెడ్యూల్త్వరలో రానుంది. ఐపీఎల్ మ్యాచ్ లు చూసేందుకు స్టూడెంట్స్ ఎక్కువ ఆసక్తి చూపుతారు. తద్వారా ఎగ్జామ్స్ ప్రిపరేషన్కు ఆటంకం ఏర్పడి, రిజల్ట్పై ప్రభావం చూపుతుందేమోనని భయాందోళన ముఖ్యంగా పేరెంట్స్ లో ఉంది.
ఇష్టమైనా.. దూరం పెట్టాలి
మన దేశంలో క్రికెట్కు చాలా క్రేజ్ఉంది. ఇక ఐపీఎల్ సీజన్ వచ్చిందంటే చిన్నా, పెద్దా తేడా లేకుండా యూత్, ఫ్యామీలి కూడా ఆసక్తిగా క్రికెట్ మ్యాచ్ లు చూస్తుంటారు. అయితే.. పిల్లలకు ఎన్ని ఇష్టాలున్నా, ఎగ్జామ్స్ టైమ్లో కొన్ని దూరం పెట్టాలని సైకాలజిస్టులు సూచిస్తున్నారు. ఎందుకంటే అకాడమిక్మార్కులే స్టూడెంట్స్ లైఫ్ ను ప్రభావితం చేస్తాయని అంటున్నారు. ముఖ్యంగా టెన్త్ క్లాస్స్టూడెంట్స్కు ఎగ్జామ్స్టర్నింగ్పాయింట్అని, పరీక్షలు ముగిసేదాకా పిల్లలపై పేరెంట్స్ప్రత్యేక దృష్టి పెట్టాలంటున్నారు. క్రికెట్ఆడేటప్పుడు గెలుపు కోసం ప్లేయర్స్ఎలా కష్టపడి ఆడతారో.. ఎగ్జామ్స్ టైమ్ లో కూడా పిల్లలు అలా కష్టపడాలని సైకాలజిస్టులు సూచిస్తున్నారు.
ఏది ఇంపార్టెంట్ అనేది చెప్పాలి
ఎగ్జామ్స్ టైమ్లో పిల్లల మైండ్ డైవర్ట్కాకుండా దృష్టి పెట్టాలి. టీవీ, మొబైల్ కు దూరంగా ఉంచాలి. ప్రిపరేషన్, నిద్రకు సరైన సమయం కేటాయించేలా చూడాలి. క్రికెట్, సినిమాలు ఎప్పుడైనా చూసుకోవచ్చు. ఐపీఎల్ క్రికెట్ మ్యాచ్లు, ఎగ్జామ్స్ లో ఏది ఇంపార్టెంట్అనేది పిల్లలకు పేరెంట్స్, టీచర్స్చెప్పి అవగాహన కల్పించాలి.
-వంగిపురపు రవికుమార్, వ్యక్తిత్వ వికాస నిపుణులు
గంటపాటు చూసేందుకు..
ఐపీఎల్ వస్తుందంటే మా అబ్బాయి టీవీ ముందు నుంచి కదలడు. ఎగ్జామ్స్టైమ్లోనే వచ్చింది. పేరెంట్స్గా అతడిపై ఎక్కువ ప్రెషర్పెడితే మెంటల్గా ఇబ్బంది పడతాడు. తప్పదనుకుంటే కొన్నిసార్లు ఓ గంటపాటు మ్యాచ్చూసేందుకు కండీషన్ పెడతాం.
-రవీందర్ గౌడ్, ఖైరతాబాద్
