అచ్చతెలుగు హీరోయిన్ అంజలి(Anjali) కన్నడ, మలయాళ, తమిళ భాషల్లో మంచి గుర్తింపు తెచ్చుకుంది. స్పెషల్ సాంగ్స్, వెబ్ సిరీస్లతో తెలుగు ప్రేక్షకులకు మరోసారి చేరువవుతోంది. కొంత కాలంగా అంజలి పర్సనల్ లైఫ్లో కొన్ని రూమర్లు మీడియాలో ప్రచారమయ్యాయి. తమిళ హీరో అజయ్(Ajay)ను ఆమె పెళ్లి చేసుకోనుందనే ప్రచారం జరిగింది. ఆ తర్వాత వీరిద్దరూ విడిపోయారంటూ వార్తలు వచ్చాయి.
ఇందులో నిజమెంతో తెలియదు కానీ.. తాజాగా అంజలి తన లైఫ్ పార్ట్నర్లో ఉండాల్సిన లక్షణాల గురించి తెలిపింది. ఆ వ్యక్తి ముందు తనను గౌరవించాలని.. ఆతర్వాతే ప్రేమ, అభిమానం అన్నీ అని తెలిపింది. దీంతో వీరిద్దరి బ్రేకప్కు ఒకరిని ఒకరు గౌరవించుకోలేకపోవడమే కారణమా? అనే సందేహాలు వ్యక్తమవుతున్నాయి. ఇక తనకు రిలేషన్తో పాటు తన కెరీర్ కూడా ఎంతో ముఖ్యమని అంజలి తెలిపింది.
