సంక్రాంతి పండుగ వేళ హీరోయిన్ రష్మికకు ఐటీ అధికారులు షాక్ ఇచ్చారు. ఇటీవలే సరిలేరు నీకెవ్వరూ సినిమాతో హిట్ కొట్టిన రష్మిక ఇంట్లో ఐటీ అధికారులు సోదాలు జరుపుతున్నారు. కర్ణాటకలోని కొడగు జిల్లా విరాజ్ పేట్‌లోని రష్మిక ఇంట్లో ఐటీ అధికారులు ఈ సోదాలు చేస్తున్నారు. దాదాపు 10 మందికి పైగా ఐటీ అధికారులు ఈ సోదాలలో పాల్గొన్నట్లు తెలుస్తోంది. వారంతా రష్మిక ఆదాయ లెక్కలను పరిశీలిస్తున్నట్లు సమాచారం. ప్రస్తుతం హైదారాబాద్‌లో ఉన్న రష్మిక.. ఓ తమిళ్ సినిమా షూటింగ్ నిమత్తం చైన్నై వెళ్తున్నారు. ఈ ఐటీ దాడుల గురించి తనకేం తెలియదని రష్మిక అంటున్నారు. కానీ, ఆమె మేనేజర్ మాత్రం ఈ దాడులను కన్ఫర్మ్ చేశారు. చలో సినిమాతో 2016లో సినీరంగంలోకి ప్రవేశించిన రష్మిక.. 2019 కల్లా స్టార్ హీరోయిన్‌గా ఎదిగింది. ఆమె సంపాదనకు, ఆమె కడుతున్న ఇన్‌కంటాక్స్‌కు పోలిక లేకపోవడంతో అధికారులు ఈ సోదాలు నిర్వహిస్తున్నట్లు తెలుస్తోంది.
For More News..
