లింగంపేట, వెలుగు : హైదరాబాద్లో బైకులను దొంగిలించి లింగంపేటలో విక్రయించిన వ్యక్తితో పాటు వాటిని కొనుగోలు చేసిన బైక్ మెకానిక్ను శుక్రవారం జీడిమెట్ల క్రైమ్బ్రాంచ్ పోలీసులు లింగంపేటలో అదుపులోకి తీసుకున్నారు. పోలీసుల తెలిపిన వివరాల ప్రకారం లింగంపేట మండలం ఐలాపూర్ గ్రామానికి చెందిన మన్నెరాజు కొంతకాలంగా హైదరాబాద్లో ఉంటున్నాడు.
అక్కడ బైకులు దొంగిలిస్తూ లింగంపేటలో బైక్ మెకానిక్ గా పనిచేస్తున్న శివ కుమార్గౌడ్కు విక్రయించేవాడు. ఇతడు తన వద్దకు వచ్చే కస్టమర్లకు వాటిని అమ్మేవాడు. బైక్ చోరీ విషయంలో దర్యాప్తు కొనసాగిస్తున్న జీడిమెట్ల పోలీసులు సీసీ ఫుటేజీల ఆధారంగా ఐలాపూర్కు చెందిన
మన్నె రాజు వెహికల్స్ దొంగతనాలకు పాల్పడినట్లు గుర్తించారు. ఐలాపూర్లో రాజును అదుపులోకి తీసుకున్న పోలీసులు అతడిచ్చిన సమాచారం మేరకు శివకుమార్ గౌడ్ను కూడా అరెస్ట్ చేశారు. వీరి నుంచి బైక్లను స్వాధీనం చేసుకున్నారు.
