వేలంలో దక్కించుకున్న జాయ్ వెంచర్స్
వికారాబాద్, వెలుగు: వికారాబాద్ మున్సిపాలిటీ గంగారం శివారులోని 3.5 ఎకరాల ప్రభుత్వ భూమిని సోమవారం వేలం వేశారు. స్థానిక ఆర్డీఓ ఆఫీసులో నిర్వహించిన వేలంలో మొత్తం 40 మంది పాల్గొన్నారు. హైదరాబాద్కు చెందిన ‘జాయ్ వెంచర్స్’ గ్రూప్ అత్యధికంగా ఎకరానికి కోటి ఆరు లక్షలకు పాడి మొత్తం స్థలాన్ని దక్కించుకుంది. ఈ మేరకు కలెక్టర్ నిఖిల వెల్లడించారు. వేలంలో జిల్లా అదనపు కలెక్టర్ రాహుల్ శర్మ, ఆర్డీఓ విజయకుమారి, రాజీవ్ స్వగృహ జనరల్ మేనేజర్ నరేందర్ రెడ్డి, జోనల్ మేనేజర్ శ్రవణ్ తదితరులు పాల్గొన్నారు. అంతకు ముందు వికారాబాద్ జిల్లా అడిషనల్కలెక్టర్(లోకల్ బాడీస్)గా రాహుల్ శర్మ సోమవారం బాధ్యతలు తీసుకున్నారు.
పట్టు సాగులో అధిక లాభాలు పొందాలె
పట్టు సాగులో రైతులు అధిక లాభాలు పొందేలా చర్యలు తీసుకోవాలని సంబంధిత అధికారుల కు కలెక్టర్ నిఖిల సూచించారు. 3 రోజులపాటు నిర్వహిస్తున్న ఉద్యానవన, పట్టు పరిశ్రమ అవగాహన సదస్సు, రైతు నైపుణాభివృద్ధి శిక్షణ కార్యక్రమంలో కలెక్టర్ హాజరై మాట్లాడారు. సబ్సిడీలను సద్వినియోగం చేసుకొని సూచించారు.
