రోజురోజుకూ ఉష్ణోగ్రత పెరుగుతోంది. ఈ సందర్భంగా ఆరోగ్యంగా ఉండేందుకు, శరీరాన్ని హైడ్రేటెడ్‌గా ఉంచుకోవడం చాలా ముఖ్యం. ఈ వేసవి హీట్ వేవ్ లో చల్లని, రిఫ్రెష్ నిచ్చే జ్యూస్ లు తాగడం, స్వచ్ఛమైన గాలి పీల్చుకోవడం చాలా అవసరం. విటమిన్లు, ఖనిజాలు, హైడ్రేషన్ అధికంగా ఉండే జ్యూస్‌లు రుచికరమైనవి మాత్రమే కాకుండా మీ శరీరాన్ని రీఛార్జ్ చేయడంలో, శక్తినివ్వడంలో కూడా సహాయపడతాయి.
వేడిని ఎదుర్కోవడానికి ఉత్తమమైన జ్యూస్ లు :
పుచ్చకాయ రసం : పుచ్చకాయ రసంలో ఉండే అధిక నీటి కంటెంట్, సహజ తీపి కారణంగా వేసవిలో ఇది ఆరోగ్యానికి చాలా ప్రయోజనకారిగా పని చేస్తుంది. ఇందులో హైడ్రేటింగ్, లైకోపీన్‌ లు అధికంగా ఉండడం వల్ల సూర్యరశ్మి వచ్చే హానికరమైన ప్రభావాల నుండి చర్మాన్ని రక్షించడంలో సహాయపడే యాంటీఆక్సిడెంట్ గా పని చేస్తుంది.
దోసకాయ-నిమ్మ రసం : దోసకాయ రసాన్ని టాంజీ లైమ్ జ్యూస్‌తో మిళితం చేయడం వల్ల రిఫ్రెష్ కలయిక వస్తుంది. ఈ చల్లని, ఆహ్లాదకరమైన పండ్ల కలయిక మీ దాహాన్ని తీర్చడంలో సహాయపడుతుంది.
పైనాపిల్-మింట్ డిలైట్ : పైనాపిల్, సువాసనిచ్చే పుదీనాల కలయిక చక్కని వేసవి పానీయంగా చెప్పవచ్చు. పైనాపిల్‌లో బ్రోమెలైన్, యాంటీ ఇన్‌ఫ్లమేటరీ లక్షణాలతో కూడిన ఎంజైమ్ ఉంటుంది. దీనికి పుదీనా కలపడం శరీరాన్ని చల్లగా ఉంచుతుంది.
సిట్రస్ బర్స్ట్ : నారింజ, నిమ్మ, ద్రాక్షపండ్లలో విటమిన్ సి అధికంగా ఉంటుంది. అంతే కాకుండా ఇవి తక్షణ శక్తిని అందిస్తాయి. సిట్రస్ జ్యూస్‌లు ఆహ్లాదకరంగా ఉండటమే కాకుండా రోగనిరోధక వ్యవస్థను మెరుగుపరచడంలో, హైడ్రేట్‌గా ఉంచడంలో సహాయపడతాయి.
కొబ్బరి నీరు : ఇది జ్యూస్ కానప్పటికీ, చెమట కారణంగా కోల్పోయిన ద్రవాలను తిరిగి నింపడానికి కొబ్బరి నీరు ఒక అద్భుతమైన సహజ ఎలక్ట్రోలైట్ పానీయంగా పనిచేస్తుంది. ఇందులో కేలరీలు తక్కువగా ఉంటాయి. పొటాషియం అధికంగా ఉంటుంది. వేడి ఎక్కువగా ఉన్న రోజులలో హైడ్రేటెడ్ గా ఉండటానికి ఇది ఒక అద్భుతమైన ఎంపిక అని చెప్పవచ్చు.
