హైదరాబాద్, వెలుగు: పార్లమెంట్ ఎన్నికల్లో రాష్ట్రం నుంచి ఐదుగురు మహిళలు పోటీ చేయగా ఇద్దరే గెలిచారు. వరంగల్ నుంచి కాంగ్రెస్ తరఫున పోటీ చేసిన కడియం కావ్య.. దాదాపు 2.20 లక్షల పైచిలుకు ఓట్ల మెజార్టీతో విజయం సాధించారు. ఇక, మహబూబ్నగర్ నుంచి బీజేపీ తరుఫున పోటీ చేసిన డీకే.అరుణ కూడా తన సమీప ప్రత్యర్థి, కాంగ్రెస్అభ్యర్థిపై 4,500 మెజార్టీతో గెలుపొందారు.
ఈ ఇద్దరు మహిళలే రాష్ట్రం నుంచి పార్లమెంట్లో రిప్రజెంట్ చేయనున్నారు. ఆదిలాబాద్ నుంచి విజయం సాధిస్తారని భావించిన కాంగ్రెస్అభ్యర్థి ఆత్రం సుగుణ , అనూహ్యంగా బీజేపీ చేతిలో ఓటమిపాలయ్యారు. మహబూబాబాద్ లోక్సభ సెగ్మెంట్ నుంచి బీఆర్ఎస్ తరపున పోటీ చేసిన మాలోతు కవితకు కూడా పరాజయం తప్పలేదు. మల్కాజ్గిరి నుంచి కాంగ్రెస్ తరఫున పోటీ చేసిన పట్నం సునీతా మహేందర్రెడ్డి కూడా గెలవలేదు. మొత్తం 17 పార్లమెంట్సెగ్మెంట్లలో 51 మంది మహిళలు పోటీ చేశారు. గత పార్లమెంట్ఎన్నికల్లో తెలంగాణ నుంచి మాలోతు కవిత ఒక్కరే మహిళా ఎంపీగా ఉన్నారు.
