టెంపరరీగా బాధ్యతలు అప్పగించిన బైడెన్
వాషింగ్టన్: అమెరికా వైస్ ప్రెసిడెంట్ కమలా హ్యారిస్ మరోసారి చరిత్ర సృష్టించారు. శుక్ర వారం యూఎస్ ప్రెసిడెంట్గా ఆమె గంటన్నర పాటు కొనసాగారు. కొద్దిసేపే అయినా అగ్రరాజ్యం తొలి మహిళా ప్రెసిడెంట్ గా డ్యూటీ చేసి రికార్డు నమోదు చేశారు.హెల్త్ చెకప్కు వెళుతూ బైడెన్ ఆమెకు ఈ బాధ్యతలు అప్పగించారు. అమెరికా ప్రెసిడెంట్ జో బైడెన్కు డాక్టర్లు శుక్రవారం హెల్త్ చెకప్ చేశారు. ఇందులో భాగంగా కొలనోస్కోపి (పెద్ద పేగు పరీక్ష) కూడా చేశారు. దీనికోసం బైడెన్కు మత్తుమందు ఇవ్వాల్సి వస్తుందని చెప్పడంతో.. ఆ టెస్టుల కోసం వెళుతూ ప్రెసిడెంట్ బాధ్యతలను వైస్ ప్రెసిడెంట్కమలా హ్యారిస్కు అప్పగించారు. ఇది టెంపరరీగా జరిగే వ్యవహారమే.. అయితే, టెక్నికల్గా అమెరికా అధ్యక్ష బాధ్యతలను ఆ కాసేపు వైస్ ప్రెసిడెంట్ నిర్వహిస్తారు. ఇలా మన దేశ మూలాలున్న కమలా హ్యారిస్ అమెరికా తొలి వైస్ ప్రెసిడెంట్గా, ఇప్పుడు ప్రెసిడెంట్గా కొనసాగి రికార్డు సృష్టించారు.