హైదరాబాద్సిటీ, వెలుగు: మంచు విష్ణు నటించిన 'కన్నప్ప' సినిమా హార్డ్ డిస్క్ మిస్సింగ్ కేసు కొత్త మలుపు తిరిగింది. ఎగ్జిక్యూటివ్ ప్రొడ్యూసర్ విజయ్కు పోలీసులు నోటీసులిచ్చారు. అనుమతి లేకుండా హార్డ్ డిస్క్ తీసుకెళ్లారని విజయ్ ఫిలిం నగర్ పోలీసులకు ఫిర్యాదు చేసిన సంగతి తెలిసిందే. అయితే, ఈ కేసును పోలీసులు దర్యాప్తు చేస్తున్నారు. ‘కన్నప్ప' సినిమా కంటెంట్ ఉన్న హార్డ్ డిస్క్ ముంబై స్టూడియో నిర్వాహకులు కొరియర్ ద్వారా ఫిల్మ్ నగర్ లోని విజయ్ కుమార్ ఆఫీసుకు పంపారు.
ఈ పార్శిల్ను మే 25న ఆఫీస్ బాయ్ రఘు తీసుకున్నాడు. అతను ఈ విషయం ఎవరికీ చెప్పకుండా చరిత అనే యువతికి అప్పగించాడు. ఆ రోజు నుంచి ఇద్దరూ తప్పించుకుని తిరుగుతున్నారు. ఇదే విషయంపై విజయ్ కుమార్ ఫిల్మ్ నగర్ పోలీసులకు ఫిర్యాదు చేశాడు. పోలీసులు కేసు దర్యాప్తులో భాగంగా వివరాలు సేకరిస్తున్నారు. చోరీకి సంబంధించిన వివరాలు తెలిపాలని పోలీసులు విజయ్కుమార్కు నోటీసులు ఇచ్చారు. రెండు రోజుల్లో విచారణకు హాజరు కావాలని ఆదేశించారు. ఈ కేసులో మరికొంత మందిని పోలీసులు విచారించే అవకాశం ఉన్నట్టు తెలుస్తోంది.
