గత సంవత్సరం కన్నడ ఇండస్ట్రీలో రిలీజై పాన్ ఇండియా లెవల్లో భారీ విజయం సాధించిన మూవీ "కాంతారా". డివోషినల్ అండ్ యాక్షన్ థ్రిల్లర్ గా తెరకెక్కిన ఈ సినిమాకి.. ఆడియన్స్ నుండి అదిరిపోయే రెస్పాన్స్ వచ్చింది. దీంతో ఈ సినిమా బాక్సాఫీస్ దగ్గర భారీ విజయాన్ని అందుకుంది. కన్నడ డైరెక్టర్ రిషబ్ శెట్టి నటించి, తెరకెక్కించిన ఈ మూవీకి ప్రేక్షకుల నుండి వచ్చిన ఆధారణ చూసి సీక్వెల్ కూడా అనౌన్స్ చేశారు మేకర్స్. ఇక త్వరలోనే ఈ సీక్వెల్ సెట్స్ పైకి వెళ్లనుంది.
అయితే అందరూ భావిస్తున్నట్టుగా ఇది సీక్వెల్ కాదు.. ప్రీక్వెల్. అంటే కాంతారా మూవీలో మనం చూసినదానికి ముందు ఏం జరిగింది అనేది ఈ సినిమా లో చూపించబోతున్నాడు దర్శకుడు రిషబ్ శెట్టి. ఈ ప్రీక్వెల్ లో గ్రామస్తుల మధ్య అనుబంధాలు, గుళిగ దైవం రాజు గురించి చూపిస్తారట. గ్రామస్తులతో పాటు భూమిని రక్షించడానికి రాజు ఏం చేశాడనేది తెర మీద ఆవిష్కరించే అవకాశం ఉందని సమాచారం.
తాజాగా ఈ సినిమా కు సంబంధించిన మరో క్రేజీ న్యూస్ ఒకటి బయటకు వచ్చింది.ఈ మూవీ ప్రీక్వెల్ డ్రాఫ్ట్ ని రిషబ్ శెట్టి ఇప్పటికే పూర్తి చేశాడట. ఈ విషయంలో చిత్ర బృందం సంతోషంగా ఉందట. ఫైనల్ వర్షెన్ ని లాక్ ఛేయడానికి ముందు ఏమైనా మార్పులు చేయడం పై ప్రస్తుతం సమయం కేటాయిస్తున్నాడట రిషబ్. మొదటి భాగం భారీ విజయం సాధించిన నేపధ్యంలో.. ఈ ప్రీక్వెల్ కోసం చాలా జాగ్రత్తలు తీసుకుంటున్నారట. మొదటి భాగం కోసం 16 కోట్లు ఖర్చు చేసిన మేకర్స్... ఈ ప్రీక్వెల్ కోసం దాదాపు 30 కోట్ల వరకు ఖర్చు చేయనున్నారట. హోంబలే ఫిలిమ్స్ నిర్మిస్తున్న ఈ మూవీ నెక్స్ట్ ఇయర్ సమ్మర్ కి ప్రేక్షకుల ముందుకు రానుంది.
