బాలీవుడ్లో స్టార్ హీరోయిన్స్ అయిన కపూర్ సిస్టర్స్ కరీనాకపూర్, కరీష్మాకపూర్ లండన్లో ఎంజాయ్ చేస్తున్నారు. సినీ ప్రేక్షకులకు వీరి గురించి ప్రత్యేకంగా చెప్పాల్సిన పనిలేదు. షూటింగ్స్లో ఎంత బిజీగా ఉన్నా.. సమయం దొరికినప్పుడల్లా ఇద్దరు కలిసి తెగ ఎంజాయ్ చేస్తూ ఉంటారు. ఎప్పటికప్పుడు తమ అప్ డేట్స్ను ఇన్ స్టా ద్వారా ప్రేక్షకులతో పంచుకుంటూ ఉంటారు. అక్కచెల్లెళ్లుగా వీరిద్దరూ కలిసి మెలిసి ఉండటం చూస్తే.. ఎవరికైనా ముచ్చటగా ఉంటుంది.
కరీనా ప్రస్తుతం లండన్లో హన్సల్ మెమతా ప్రాజెక్టు షూటింగ్లో ఉంది. షూటింగ్ పూర్తి చేసుకుని మిగిలిన సమయంలో తన సోదరి కరిష్మాతో కలిసి షాపింగ్ చేస్తూ సమయాన్ని గడుపుతున్నారు. ఇద్దరూ ఒకేలా నల్లటి దుస్తులను ధరించి.. లిఫ్ట్లో ఫోజులు ఇస్తూ కనిపించారు. అలాగే.. హోటల్ వాష్ రూమ్లో మేకప్ వేసుకుంటూ మరో ఫోటో దిగారు.. ప్రస్తుతం ఇద్దరూ కలిసి షాపింగ్ చేస్తూ.. ఎంజాయ్ చేస్తున్న ఫోటోలను కరీనా తన ఇన్ స్టాలో పంచుకున్నారు. అంతకుముందు.. ఆమె షూటింగ్ తర్వాత చిన్నకొడుకు జెహ్తో పార్క్లో సమయం గడిపిన ఫోటోను షేర్ చేశారు.