ఎన‌ర్జిటిక్ యంగ్ హీరో నిఖిల్, చందు మొండేటి ద‌ర్శక‌త్వంలో 'కార్తికేయ'కు సీక్వెల్‌గా వస్తున్న చిత్రం కార్తికేయ 2. ఈ సినిమాపై అంచనాలు భారీగా ఉన్నాయి. ఇప్పటికే విడుదలైన ట్రైలర్‌కు అద్భుతమైన స్పందన వచ్చింది. పీపుల్స్ మీడియా ఫ్యాక్టరి, అభిషేక్ అగర్వాల్ ఆర్ట్స్ బేన‌ర్స్ పై టి.జి. విశ్వప్రసాద్, అభిషేక్ అగర్వాల్ ఈ చిత్రాన్ని సంయుక్తంగా నిర్మిస్తున్నారు.
ఇప్పటికే విడుదలైన ట్రైలర్‌లోని అద్భుతమైన విజువల్స్, అదిరిపోయే థ్రిల్లింగ్ ఎలిమెంట్స్‌ అందర్నీ ఆకట్టుకుంటున్నాయి. ‘శాంతను ఇది నువ్వు ఆపలేని యాగం.. నేను సమిధను మాత్రమే.. ఆజ్యం మళ్లీ అక్కడ మొదలైంది.. ప్రాణత్యాగం చేసే తెగింపు ఉంటేనే దీనిని పొందగలం’ అంటూ అదిరిపోయే డైలాగ్‌తో ఈ ట్రైలర్ మొదలైంది. కాలభైరవ బ్యాగ్రౌండ్ స్కోర్ ట్రైలర్‌కు అదనపు ఆకర్షణగా నిలిచింది. ప్రతీ ఫ్రేమ్ చాలా అద్భుతంగా చూపించారు సినిమాటోగ్రఫర్ కార్తికే ఘట్టమనేని. టెక్నీషియన్స్‌తో అద్బుతమైన ఔట్ పుట్ తీసుకున్నారు దర్శకుడు చందూ మొండేటి.
తాజాగా సినిమా ప్రమోషన్స్‌లో భాగంగా ఏలూరులోని రామచంద్ర ఇంజనీరింగ్ కాలేజీకి హీరో నిఖిల్, దర్శకుడు చందూ మొండేటి వచ్చారు. అక్కడ స్టూడెంట్స్‌తో కలిసి చాలా సేపు సినిమా గురించి ముచ్చటించారు. అలాగే ట్రైలర్‌ను వీక్షించారు. అనంతరం ప్రత్యేకంగా స్టూడెంట్స్ కోసం లవ్ సాంగ్‌ను ఎక్స్‌క్లూజివ్‌గా ప్లే చేశారు. కార్తికేయ 2 చిత్ర యూనిట్ కాలేజ్ విద్యార్థులతో చాలా సేపు గడిపారు. సినిమా కచ్చితంగా అందరికీ నచ్చుతుందని దర్శక నిర్మాతలు తెలిపారు. 'కార్తికేయ'కు సీక్వెల్‌గా వస్తున్న కార్తికేయ 2 అంచనాలు అందుకోవడం కాదు.. మంచిపోయేలా తెరకెక్కిస్తున్నారు దర్శకుడు చందూ.
ఈ సినిమా అత్యద్భుతమైన విజువల్ ఫీస్టుగా ఉండబోతుందని ట్రైలర్ చూస్తుంటేనే అర్థమవుతుంది. ఈ చిత్రంలో ముగ్ధ పాత్రలో అనుపమ పరమేశ్వరన్.. నిఖిల్ కు జంట‌గా న‌టిస్తుంది. ప్రముఖ బాలీవుడ్ నటుడు అనుపమ్ ఖేర్ ఇందులో కీలక పాత్రలో నటిస్తున్నారు. ఈ సినిమాలో ఆసక్తికరమైన విషయం డాక్టర్ కార్తికేయ ప్రయాణం. శ్రీకృష్ణుడు చ‌రిత్రలోకి ఎంట‌ర‌వుతూ క‌నిపిస్తున్నారు. ఈ చిత్రంలోని భావాన్ని ట్రైలర్ రూపంలో దర్శకుడు చందు మొండేటి ప్రేక్షకుల క‌ళ్ళకు క‌ట్టిన‌ట్టు చూపించారు. ఈ మూవీ అన్ని కార్యక్రమాలు పూర్తి చేసుకుని జులై 22న ప్రపంచ వ్యాప్తంగా ప్రేక్షకుల ముందుకు రానుంది.
నటీనటులు : నిఖిల్, అనుపమ పరమేశ్వరన్, అనుపమ్ ఖేర్, శ్రీనివాస‌రెడ్డి, ప్ర‌వీణ్‌, ఆదిత్యా మీన‌న్‌, తుల‌సి, స‌త్య, వైవా హ‌ర్ష, వెంక‌ట్‌ తదితరులు ఉన్నారు
టెక్నికల్ టీం :
క‌థ - స్క్రీన్‌ప్లే - ద‌ర్శ‌క‌త్యం - చందు మెుండేటి
బ్యాన‌ర్ : పీపుల్ మీడియా ఫ్యాక్టరి& అభిషేక్ అగర్వాల్ ఆర్ట్స్
కొ - ప్రొడ్యూస‌ర్ : వివేక్ కూచిభొట్లనిర్మాత‌లు : టి.జి విశ్వ ప్ర‌సాద్‌&అభిషేక్ అగర్వాల్
మ్యూజిక్ : కాలభైరవ
సినిమాటోగ్రాఫర్ : కార్తీక్ ఘట్టమనేని
ఆర్ట్ డైరెక్టర్ : సాహి సురేష్
పిఆర్ఓ : ఏలూరు శ్రీను, మేఘ శ్యామ్
