- ప్రకృతి పట్ల ఆరాధనే బతుకమ్మ
- ప్రజలకు సీఎం కేసీఆర్ గ్రీటింగ్స్
హైదరాబాద్, వెలుగు: రాష్ట్ర పూల పండుగ బతుకమ్మ ముగింపు రోజు “సద్దుల బతుకమ్మ”ను పురస్కరించుకొని సీఎం కేసీఆర్ రాష్ట్ర ప్రజలకు శుభాకాంక్షలు తెలిపారు. తెలంగాణ ప్రజల జీవన విధానంలోంచి పుట్టిన ప్రకృతి పండుగే బతుకమ్మ పండుగని చెప్పారు. దేవుళ్లను పూజించే పువ్వులే బతుకమ్మగా పూజలందుకోవడం తెలంగాణ ప్రజలకు ప్రకృతి పట్ల ఉన్న ఆరాధనను, కృతజ్ఞతాభావనను తెలియజేస్తుందని వెల్లడించారు.