బీమా క్లెయిమ్లను పొందేందుకు కేరళలో విపత్తు బాధితులకు అన్ని విధాలా సాయం అందించాలని ఆర్థిక మంత్రిత్వ శాఖ ఐదు ప్రభుత్వ రంగ బీమా కంపెనీలను ఆదేశించింది. PSU బీమా సంస్థలు ఇప్పటికే తీసుకున్న చర్యల గురించి మంత్రిత్వ శాఖ తెలిపింది. స్థానిక వార్తాపత్రికలు, సోషల్ మీడియా, కంపెనీ వెబ్సైట్లు, SMS వంటి వివిధ మార్గాల ద్వారా కంపెనీలు తమ పాలసీదారులను సమాచారం అందిస్తున్నాయి.
వాయనాడ్, పాలక్కాడ్, కోజికోడ్, మలప్పురం, జిల్లాల్లో సహాయం కోసం సంప్రదింపు వివరాలను అందించడానికి బీమా కంపెనీలు స్థానిక వార్తాపత్రికలు, సోషల్ మీడియా, కంపెనీ వెబ్సైట్లు, SMS ల ద్వారా తమ పాలసీదారులను కాంటాక్ట్ చేస్తుంది. త్రిసూర్లో ఎక్కువ క్లెయిమ్లు జరిగినట్లు ఫైనాన్స్ మినిస్ట్రీ తెలిపింది.
క్లెయిమ్లను వేగంగా ప్రాసెస్ చేసేలా బీమా కంపెనీలతో సమన్వయం చేసుకోవాలని ప్రభుత్వం జనరల్ ఇన్సూరెన్స్ కౌన్సిల్ను ఆదేశించింది. జనరల్ ఇన్సూరెన్స్ కౌన్సిల్ ప్రతిరోజూ క్లెయిమ్ స్థితిని నివేదించడానికి బీమాదారులందరికీ ఒక పోర్టల్ను హోస్ట్ చేస్తుంది.
వయనాడ్లో విషాదకరమైన కొండచరియలు విరిగిపడటంతో శుక్రవారం నాటికి 308 మంది ప్రాణాలు కోల్పోయారని కేరళ ఆరోగ్య మంత్రి వీణా జార్జ్ తెలిపారు. మృతుల్లో 98 మంది పురుషులు..87 మంది మహిళలు, 30 మంది పిల్లలు సహా 215 మృతదేహాలు, 143 శరీర భాగాలను స్వాధీనం చేసుకున్నారు. 212 మృతదేహాలకు పోస్ట్మార్టం ప్రక్రియలు పూర్తయ్యాయి , 140 శరీర భాగాలు, 148 మృతదేహాలను బంధువులు గుర్తించారు.
కేరళలోని వాయనాడ్లోని చూరల్మల మరియు ముండక్కై ప్రాంతాల్లో కొండచరియలు విరిగిపడటంతో పలు ప్రాంతాల్లో 78 మంది నావికాదళ సిబ్బందిని రక్షించేందుకు మరియు సహాయక చర్యలు చేపట్టేందుకు మోహరించినట్లు అధికారులు శనివారం తెలిపారు.
