మన ఇంట్లోనే మందుల షాపు ఉంది.. మీకు తెలుసా

ఇప్పుడంటే వేలల్లో... కాదు కాదు లక్షల్లో హాస్పిటల్స్​. తుమ్ముకి, దగ్గుకి ట్యాబ్​లెట్స్​. కానీ, ఇవేం లేని రోజుల్లో వంటిల్లే సూపర్ స్పెషాలిటీ హాస్పిటల్​. ఇక్కడ ప్రతి అరలో ఓ మెడిసిన్​ ఉంటుంది. మలబద్ధకం పోవాలంటే ఎప్సమ్​ సాల్ట్ వాడాలి​. రెండు టీ స్పూన్ల ఎప్సమ్​ సాల్ట్​ను ఒక కప్పు నీళ్లలో లేదా ఫ్రూట్​ జ్యూస్​లో కలిపి ప్రతిరోజూ తాగాలి. ఈ సాల్ట్​లో ఉండే మెగ్నీషియం కండరాలను రిలాక్స్​డ్​గా ఉంచుతుంది. అందుకే బాత్​టబ్​ను గోరువెచ్చటి నీళ్లతో నింపి. వాటిలో  రెండు కప్పుల ఎప్సమ్​ సాల్ట్​ వేసి కలపాలి. ఆ నీళ్లలో 20 నిమిషాలు ఉంటే బోలెడంత రిలాక్సేషన్​. 

ఇన్​గ్రోన్​ నెయిల్స్​ అంటే కాలి బొటన వేలు పక్కన కండ పెరగడం... దీనివల్ల నొప్పి, వాపు ఉంటాయి. కొన్నిసార్లు ఇన్ఫెక్షన్​ కూడా అవుతుంది. ఈ ప్రాబ్లమ్​ ఉన్నప్పుడు ఎప్సమ్​ సాల్ట్​ కలిపిన నీళ్లలో రోజుకు రెండుసార్లు పావుగంట నుంచి 25 నిమిషాలు పాదాలను నీళ్లలో నానబెట్టాలి. ఇలా చేస్తే నొప్పి తగ్గుతుంది. వెల్లుల్లిలో యాంటీ బ్యాక్టీరియల్, యాంటీవైరల్, యాంటీఫంగల్​ ప్రాపర్టీస్​ ఉంటాయి. అందుకే నోట్లో కావిటీస్, చెవి ఇన్ఫెక్షన్లు, ఆర్థరైటిక్​ నొప్పుల మీద పోరాడుతుంది వెల్లుల్లి. దీన్ని పచ్చిగా తింటే హెల్త్​ బెనిఫిట్స్​ అందుతాయి. వేగించి లేదా ఉడికించి తింటే మెడిసినల్​ గుణాలు పోతాయి. కీళ్ల లేదా కండరాల నొప్పులు ఉంటే నొప్పి ఉన్న దగ్గర గోరువెచ్చటి వెల్లుల్లి నూనె పూయాలి. పన్ను నొప్పి ఉంటే కొన్ని వెల్లుల్లి రెబ్బలను నలిపి అందులో కొంచెం ఉప్పు వేసి నొప్పి పంటి మీద రాయాలి.

పసుపులో కుర్కుమిన్​ అనే పదార్థం ఉంటుంది. ఇది నొప్పుల నుంచి రిలీఫ్​ ఇస్తుంది. ఇందులో యాంటీ ఇన్​ఫ్లమేటరీ ప్రాపర్టీస్​ కూడా ఉంటాయి. దానివల్ల కీళ్ల, కండరాల నొప్పులు, వాపులు తగ్గుతాయి. యాంటీఆక్సిడెంట్, యాంటీబ్యాక్టీరియల్, యాంటీఫంగల్​, యాంటీవైరల్, యాంటీకార్సినోజెనిక్​ ప్రాపర్టీస్​ ఉంటాయి పసుపులో. అందుకని భోజనంలో దీన్ని వాడితో ఆరోగ్యం బాగుంటుంది.చర్మం మీద దురద పెట్టినా లేదా పురుగులు  కుట్టిన దగ్గర పసుపు, కలబంద గుజ్జు సమపాళ్లలో కలిపి రాయాలి. నోట్లో అల్సర్లు ఉంటే చిటికెడు పసుపులో ఒక టేబుల్​ స్పూన్​ నీళ్లు, అరటేబుల్​ స్పూన్​ కొబ్బరి నూనె కలిపిన పేస్ట్ రాయాలి. 

యాంటీ ఇన్​ఫ్లమేటరీ, యాంటీ బ్యాక్టీరియల్​, యాంటీ ఆక్సిడెంట్​ ప్రాపర్టీలు కలిగిన లవంగాలు నోటిలో వచ్చే ఇన్ఫెక్షన్లను అడ్డుకుంటాయి. పంటినొప్పి ఉంటే రెండు లవంగాలను గ్రైండ్​ చేసి ఆ పొడిలో కొంచెం ఆలివ్​ నూనె​ వేసి కలపాలి. ఈ మిశ్రమాన్ని నొప్పి ఉన్న ప్రాంతంలో పెట్టాలి. లేదంటే ఒక లవంగాన్ని నోట్లో పెట్టుకుని నమిలినా అప్పటికప్పుడు రిలీఫ్​ వస్తుంది. నొప్పి, వాపులను తగ్గించే గుణం ఉంది లవంగానికి. అందుకే కొంచెం లవంగం నూనె వేడిచేసి, నొప్పి ఉన్న దగ్గర మసాజ్​ చేస్తే చాలా రిలీఫ్​ ఉంటుంది.