రెబల్ స్టార్ ప్రభాస్(Prabhas)– కృతి సనన్(Kriti Sanon)ల ‘ఆదిపురుష్(Adipurush)’ రిలీజ్ డేట్ దగ్గర పడుతోంది. ఇప్పుడు ఎక్కడ చూసినా ఈ సినిమా మేనియానే నడుస్తోంది. ఈ నేపథ్యంలో కృతి సనన్ ఓ ఇంటర్వ్యూలో మాట్లాడుతూ ప్రభాస్ను తానెందుకు అంతలా అభిమానిస్తుందో చెప్పుకొచ్చింది. అతనిలోని కొన్ని క్వాలిటీస్ తనను ఆకట్టుకునేవని తెలిపింది.
‘మొదట్లో ప్రభాస్ నాతో మాట్లాడేందుకు సిగ్గుపడేవాడు. తర్వాత నేనే అతడితో మాటలు కలిపా. నా తొలి సినిమా గురించి మాట్లాడాను. భాష రాకుండా సినిమా చేయడం ఎంత కష్టమో కదా అన్నాను. అప్పుడే నాతో తొలిసారి మాట్లాడాడు. నేను మామూలుగా మాట్లాడేదాన్ని. ప్రభాస్ మాత్రం ఓపెన్గా ఉండేవాడు. తన పనితాను చేసుకుపోయే టైప్. అతను చాలా ప్రశాంతమైన వ్యక్తి. కళ్లతోనే మనసులోని భావాలను పలికించగలడు. ఆదిపురుష్లో రాఘవుడి పాత్రలో ప్రభాస్ కాకుండా మరొకరిని నేను ఊహించుకోలేను’ అంటూ కృతి వివరించింది.
