వెంకటేష్, కళ్యాణ్ రామ్ హీరోలుగా అనిల్ రావిపూడి రూపొందిస్తున్న చిత్రం ‘జనవరి 12 విడుదల’. కీర్తి సురేష్, కృతి శెట్టి హీరోయిన్స్గా నటిస్తున్నారు. సురేష్ ప్రొడక్షన్స్ సమర్పణలో సాహు గారపాటి నిర్మిస్తున్నారు. ‘బావ బామ్మర్ది సౌజన్యంతో’ అనే ట్యాగ్లైన్తో తెరకెక్కుతోన్న ఈ చిత్రం నుంచి ఇప్పటికే వెంకటేష్, కళ్యాణ్ రామ్ ఫస్ట్ లుక్లను రిలీజ్ చేశారు.
సోమవారం కృతి శెట్టి పుట్టినరోజు సందర్భంగా ఆమె పాత్రను పరిచయం చేశారు. ఇందులో ‘దీపు’ క్యారెక్టర్లో కృతి కనిపించనున్నట్టు రివీల్ చేశారు. ఈ సందర్భంగా రిలీజ్ చేసిన ఫస్ట్ లుక్లో పర్పుల్-పింక్ హాఫ్ సారీలో బాపుబొమ్మాలా ట్రెడిషనల్ లుక్లో కనిపిస్తూ, అందమైన చిరునవ్వుతో ఆకట్టుకుంటోంది.
జి.వి. ప్రకాష్ కుమార్ సంగీతం అందిస్తున్న ఈ చిత్రానికి సమీర్ రెడ్డి సినిమాటోగ్రఫీ, తమ్మిరాజు ఎడిటింగ్ అందిస్తున్నారు. ఏఎస్ ప్రకాష్ ప్రొడక్షన్ డిజైనర్గా, ఎస్. కృష్ణ ఎగ్జిక్యూటివ్ ప్రొడ్యూసర్గా వ్యవహరిస్తున్నారు. సంక్రాంతి సందర్భంగా జనవరి 12న ఈ చిత్రం ప్రేక్షకుల ముందుకు రానుంది.
