కేయూ క్యాంపస్, వెలుగు: కేయూ SDLCE ఎగ్జామ్ టైం టేబుల్ ను ఎగ్జామినేషన్స్ కంట్రోలర్ కట్ల రాజేందర్, అడిషనల్ కంట్రోలర్ జి.పద్మజ విడుదల చేశారు. డిగ్రీ బీఏ, బీకాం, బీఎస్సీ, బీబీఏ ఫైనల్ ఇయర్(రెగ్యులర్) పరీక్షలు ఆగస్ట్ 22 నుంచి, సెకండ్ ఇయర్( ఓల్డ్ స్టూడెంట్స్) పరీక్షలు ఆగస్టు 23 నుంచి, ఫస్ట్ ఇయర్(ఓల్డ్ స్టూడెంట్స్) ఆగస్టు 25 నుంచి జరుగుతాయని చెప్పారు. అన్ని పరీక్షలు మధ్యాహ్నం 2 గంటల నుంచి సాయంత్రం 5 గంటల వరకు నిర్వహించనున్నట్లు పేర్కొన్నారు.
డిప్లొమా ఇన్ కంప్యూటర్ అప్లికేషన్స్ ఆగస్టు 6 నుంచి, ప్రాక్టికల్స్ ఆగస్టు 21 నుంచి, పీజీడీసీఏ సెకండ్ సెమిస్టర్ ఎగ్జామ్స్ ఆగస్టు 7 నుంచి, ప్రాక్టికల్స్ 20 నుంచి జరుగుతాయని తెలిపారు. పీజీడీసీఏ ఫస్ట్ సెమిస్టర్ పరీక్షలు ఆగస్టు 6 నుంచి, ప్రాక్టికల్స్ ఆగస్టు 21 నుంచి ఉంటాయని చెప్పారు. లైబ్రరీ సైన్స్(ఇయర్ వైజ్ ఓల్డ్ స్టూడెంట్స్), డిప్లొమా ఇన్ యోగా పరీక్షలు ఆగస్టు 6 నుంచి ప్రారంభమవుతాయని తెలిపారు. కాకతీయ యూనివర్సిటీ వెబ్ సైట్ లో పూర్తి వివరాలు చూడవచ్చని చెప్పారు.
