భద్రాద్రికొత్తగూడెం, వెలుగు : భద్రాద్రికొత్తగూడెం జిల్లా లాంటి ఏజెన్సీ ప్రాంతంలో కేర్ హాస్పిటల్ ఆధ్వర్యంలో గుండె సంబంధిత మెగా హెల్త్క్యాంప్ ఏర్పాటు చేయడం అభినందనీయమని కొత్తగూడెం, వైరా, భద్రాచలం ఎమ్మెల్యేలు పేర్కొన్నారు. కొత్తగూడెం పట్టణంలోని కొత్తగూడెం క్లబ్లో ఆదివారం ఏర్పాటు చేసిన మెగా హెల్త్ క్యాంప్ను కొత్తగూడెం, వైరా, భద్రాచలం ఎమ్మెల్యేలు కూనంనేని సాంబశివరావు, రాందాస్ నాయక్, తెల్లం వెంకట్రావ్తో పాటు కలెక్టర్జితేశ్ వీపాటిల్, ఎస్పీ రోహిత్ రాజు సందర్శించారు.
ఈ సందర్భంగా వారు మాట్లాడుతూ సీనియర్ కార్డియాలజిస్ట్ డాక్టర్ వి.సూర్య ప్రకాశరావు పర్యవేక్షణలో గుండె సంబంధిత ఉచిత మెగా హెల్త్ క్యాంప్ ఏర్పాటు చేయడంతో ఈ ప్రాంతం వారికి ఎంతో మేలు కలుగుతుందన్నారు. రూ. వేల విలువైన టెస్ట్లను ఉచితంగా క్యాంపులో చేసినట్టుగా డాక్టర్ సూర్య ప్రకాశరావు తెలిపారు. ఈ ప్రోగ్రాంలో డాక్టర్లు కాంతిలాల్, శ్రీవాస్తవ, ఈషా సింగ్, రాంచందర్, రాహూల్, కిరణ్, పీఆర్ఓ మునిరెడ్డితో పాటు రాంచందర్ పాల్గొన్నారు.
