- పోలీసులకు న్యాయవాది అరుణ్ కుమార్ ఫిర్యాదు
పంజాగుట్ట, వెలుగు: ఫోన్ ట్యాపింగ్ అంశంపై ప్రజలను మాజీ సీఎం కేసీఆర్ తప్పుదోవ పట్టిస్తున్నారని న్యాయవాది అరుణ్కుమార్ ఆరోపించారు. ఈ కేసుతో మాజీ సీఎం అయిన తనకు ఏం సంబంధమని ఓ చానల్కు ఇచ్చిన ఇంటర్వ్యూలో కేసీఆర్ అన్నారని.. అందువల్ల ఆయనపై చర్యలు తీసుకోవాలని కోరుతూ శనివారం పంజాగుట్ట పోలీసులకు ఫిర్యాదు చేశారు. ఫోన్ ట్యాపింగ్ వ్యవహారంతో అప్పటి సీఎంకి సంబంధం లేకుంటే ప్రభాకర్రావు, ప్రణీత్రావు ద్వారా వచ్చిన సమాచారాన్ని ఎలా వినియోగించుకున్నారని ప్రశ్నించారు.
సోషల్ మీడియాకు కేటీఆర్ లీగల్ నోటీసులిచ్చారని..తద్వారా సాక్షులను భయపెట్టేందుకే ప్రయత్నించారని తెలిపారు. ఏ తప్పు చేయనప్పుడు లీగల్ నోటీసులు ఎందుకిచ్చారో చెప్పాలన్నారు. అమెరికాలో ఉన్న ప్రభాకర్ రావు రాష్ట్రానికి వచ్చినా.. రాకున్నా కేసు మాత్రం కేసీఆర్ పీకకు చుట్టుకుంటుందని వెల్లడించారు. సైబర్ టెర్రరిజానికి పాల్పడిన వారందరికి జీవితకాలపు శిక్ష వేయాలని కోరారు. ఈ కేసులో ఉన్నవారందరినీ అరెస్ట్ చేయాలని తన పేర్కొన్నారు. కేసీఆర్తో పాటు జిల్లాల్లో సర్వర్లు పెట్టిన ముఠాపై చర్యలు తీసుకోవాలని అరుణ్ కుమార్ తన ఫిర్యాదులో కోరారు.
