జ్యోతిష్య శాస్త్రం ప్రకారం.. ఈ ఏడాది మొదటి చంద్రగ్రహణం మే 5 న జరగబోతోంది. ఇదే రోజు వైశాఖ పూర్ణిమ, బుద్ధ పూర్ణిమలు కూడా ఉన్నాయి. ఈ చంద్ర గ్రహణం రాత్రి 8.45కి ప్రారంభమై అర్ధరాత్రి 1.02కి ముగుస్తుంది.
ఇలా ఏర్పడుతుంది..
సైన్స్ ప్రకారం సూర్యుడు, భూమి మధ్యలో చంద్రుడు వచ్చినప్పుడు చంద్రగ్రహణం ఏర్పడుతుంది. పెనుంబ్రల్ చంద్రగ్రహణం సమయంలో, చంద్రుడు భూమి నీడ వెలుపలి భాగం వెంట కదులుతాడు. దీంతో చంద్రుడిని చీకటి అలుముకుంటుంది. సంపూర్ణ, పాక్షిక చంద్ర గ్రహణం సమయంలో వలె కాకుండా పెనుంబ్రల్ గ్రహణ సమయంలో చంద్రుడు రంగు మారినట్లు కనిపించదు.
పెనుంబ్రల్ చంద్రగ్రహణం అంటే...
సంపూర్ణ గ్రహణ సమయంలో భూమి నీడ చంద్రుడిపై పడి దానిని ఎరుపుగా మారుస్తుంది. దీనినే పెనుంబ్రల్ చంద్ర గ్రహణం అంటారు.
ఇండియాలో కూడా కనిపిస్తుందా?
ఆసియా, ఆఫ్రికా, ఆస్ట్రేలియా, యూరప్లోని చాలా ప్రాంతాల్లో రాత్రి 10.52 గంటలకు పెనుంబ్రల్ చంద్రగ్రహణాన్ని చూడగలరు. ఈ గ్రహణాన్ని ఎలాంటి పరికరాలు అవసరం లేకుండానే నేరుగా చూడవచ్చు. అయినా దీని ప్రభావం చాలా తక్కువగా ఉండటంతో, కంటి జబ్బులు ఉన్నవారు నేరుగా చూడలేకపోవచ్చు.
