బ్యాంకుల పని వేళల్లో మార్పులు

V6 Velugu Posted on May 12, 2021

హైదరాబాద్: కరోనా లాక్‌డౌన్‌ నేపథ్యంలో బ్యాంకుల పనివేళల్లో మార్పులు చోటు చేసుకున్నాయి. రేపటి (గురువారం) నుంచి ఉదయం 8 గంటల నుంచి మధ్యాహ్నం 12 వరకు బ్యాంకులు పనిచేయనున్నాయి. బ్యాంక్‌లో 50 శాతం సిబ్బందితో సేవలు అందించనున్నారు. ఈ నెల 20 వరకు ఈ పనివేళలు కొనసాగుతాయి. రాష్ట్రంలో కరోనా విజృంభిస్తుండడంతో ప్రభుత్వం హఠాత్తుగా లాక్ డౌన్ ప్రకటించిన విషయం తెలిసిందే. కరోనా మహమ్మారి కట్టడి కోసం లాక్ డౌన్ విధించక తప్పనిసరి ఏర్పడిందంటూ సర్కార్ ప్రకటించింది. లాక్ డౌన్ సందర్భంగా ఉదయం 6 నుంచి  10 గంటల వరకు దుకాణాలు, వ్యాపార కార్యకలాపాలు యధావిధిగా జరుపుకోవచ్చని సర్కార్ ప్రకటించింది. కేవలం నాలుగు గంటలపాటు ప్రజలు బయట తిరిగేందుకు అనుమతిచ్చినా.. బ్యాంకుల సేవల విషయంలో కాస్త విధానాలు మారాయి. బ్యాంకులు మధ్యాహ్నం 12 వరకు పనిచేస్తాయి. ఆ తర్వాత సిబ్బంది అందరూ ఇళ్లకు వెళ్లిపోతారు. లాక్డౌన్ మినహాయింపు  సమయం ఉదయం 10 గంటల వరకే కాబట్టి 12 తర్వాత ఇళ్లకు వెళ్లే బ్యాంకుల సిబ్బంది రోడ్డుమీద బందోబస్తు పోలీసులు ప్రశ్నిస్తే బ్యాంకు సిబ్బంది తమ ఐడీ కార్డులు చూపించాల్సి ఉంటుంది. 

Tagged lockdown effect, Telangana LockDown, , banks working hours, banks timings, ts business hours

Latest Videos

Subscribe Now

More News