ఎల్బీనగర్, వెలుగు: కిరాణా సామగ్రితో మేడ్చల్ నుంచి ఆటో నగర్ కు వస్తున్న ఓ లారీ టైరు పగిలి డివైడర్ ను ఢీకొట్టగా..దాని వెనుకే వస్తున్న టిప్పర్ లారీ ముందున్న లారీని ఢీకొట్టింది. ఈ ప్రమాదంలో టిప్పర్ డ్రైవర్ క్యాబిన్ లో ఇరుక్కుపోయాడు. ఈ ఘటన బుధవారం తెల్లవారుజామున హయత్ నగర్ లో జరిగింది.
టిప్పర్లారీ క్యాబిన్లో నవీన్ అనే డ్రైవర్ ఇరుక్కుపోవడంతో 2గంటలపాటు శ్రమించి గ్యాస్ కట్టర్ తో క్యాబిన్ కట్ చేసి బయటకు తీశారు. వెంటనే దగ్గరలోని దవాఖానకు తరలించగా ప్రాణాపాయం నుంచి బయటపడ్డాడు. కేసు నమోదు చేసుకుని దర్యాప్తు చేస్తున్నట్టు హయత్ నగర్ ఇన్స్పెక్టర్నాగరాజు గౌడ్ తెలిపారు.
