- ఈదుకుంటూ వచ్చిన యువకుడు
- చనిపోయిన యువతి జనగామ జిల్లా జీబీ తండాలో విషాదం
పాలకుర్తి ( కొడకండ్ల), వెలుగు : ప్రేమించిన వాడి బర్త్డే సందర్భంగా అతడితో సరదాగా గడిపి బైక్పై వస్తుండగా కెనాల్లోకి దూసుకెళ్లడంతో యువతి చనిపోయింది. ఈదు కుంటూ వచ్చిన యువకుడు ప్రాణాలు దక్కించుకున్నాడు. జనగామ జిల్లా కొడకండ్ల ఎస్సై కొమురెల్లి కథనం ప్రకారం..మండలంలోని జీబీ తండాకు చెందిన యువతి (17) ఇంటర్చదువుతోంది. ఈమె, దేవరుప్పుల మండలం ధర్మాపురం గ్రామానికి చెందిన బానోతు వెంకన్న కొన్ని రోజులుగా ప్రేమించుకుంటున్నారు. శనివారం వెంకన్నది బర్త్డే కావడంతో గిఫ్ట్ ఇస్తానని చెప్పింది. దీంతో సదరు యువకుడు జీబీ తండాకు రాగా, ఇద్దరూ కలిసి బైక్పై బయటకు వెళ్లారు.
రాత్రి పూట ఆమెను ఇంట్లో దింపుదామని తీసుకుని వస్తుండగా ఊరికి మూడు కిలోమీటర్ల దూరంలో యువతి బంధువులు చూశారు. భయంతో వెంకన్న స్పీడ్గా బండి నడపగా అదుపు తప్పి ఎస్సారెస్పీ కెనాల్లోకి దూసుకెళ్లింది. అయితే ఈత వచ్చిన వెంకన్న బయటకు రాగా, యువతి గల్లంతయ్యింది. పోలీసులకు విషయం చెప్పగా ఈతగాళ్లతో గాలింపు చేపట్టారు. ఆదివారం ఉదయం సూర్యాపేట జిల్లా తిరుమలగిరి మండలం వెలిశాల గ్రామ సమీపంలో శవమై కనిపించింది.