న్యూఢిల్లీ: అమెరికాలో జెనరిక్ హైపర్‌‌టెన్షన్ డ్రగ్‌‌ను మార్కెట్ చేయడానికి యూఎస్ హెల్త్ రెగ్యులేటర్ నుంచి అనుమతి పొందినట్లు ఫార్మా కంపెనీ లుపిన్ ఆదివారం తెలిపింది. ప్రొప్రానోలోల్ హైడ్రోక్లోరైడ్ ఎక్సెటెండ్ రిలీజ్ మాత్రలకు యూఎస్ ఫుడ్ అండ్ డ్రగ్ అడ్మినిస్ట్రేషన్ నుంచి కంపెనీ ఆమోదం దక్కించుకుందని రెగ్యులేటరీ ఫైలింగ్‌‌లో పేర్కొంది. కంపెనీ ఉత్పత్తి ఏఎన్ఐ ఫార్మాస్యూటికల్స్ ఇండరల్ ఎల్ఏ క్యాప్సూల్స్కు జెనరిక్ వెర్షన్. దీనిని కంపెనీ పీతాంపూర్‌‌లోని ప్లాంట్‌‌లో తయారు చేయనున్నట్లు లుపిన్ పేర్కొంది.
