హైదరాబాద్ లో రెస్టారెంట్ల తీరు ఇది.. మటన్ మండిలో పుచ్చిపోయిన మనిషి పన్ను

• కంప్లయింట్ ​చేస్కోవాలన్న  రెస్టారెంట్ ​ఓనర్​
• సెటిల్​మెంట్​ అన్నఫుడ్​సేఫ్టీ ఆఫీసర్​ 

మాదాపూర్, వెలుగు : రెస్టారెంట్​కు వెళ్లి టేస్టీ ఫుడ్​ఎంజాయ్​ చేద్దామనుకుంటే అందులో పుచ్చిపోయిన పన్ను బోనస్​గా వచ్చింది. ఇది చూసిన వినియోగదారుడు విస్తుపోయాడు. కాసేపటికి తేరుకుని ‘ఏంటిది’ అని యాజమాన్యాన్ని ప్రశ్నిస్తే ‘ఏం చేస్కుంటావో చేస్కో పో’ అని రిప్లై ఇచ్చాడు. యాక్షన్ ​తీసుకుంటారన్న ఆశతో ఫుడ్​సేఫ్టీ ఆఫీసర్​కు కాల్​చేస్తే సెటిల్​చేసుకోవాలని ఉచిత సలహా ఇచ్చాడు.

 మాదాపూర్‌‌‌‌లోని ‘ది జాయింట్ అల్​మంది’ రెస్టారెంట్‌‌‌‌లో శ్యామ్​ప్రసాద్​అనే స్టూడెంట్ ​బుధవారం మటన్ మండి కోసం వెళ్లాడు. ఫుడ్ ​తింటుండగా...పంటి కింద ఏదో గట్టిగా అడ్డం పడ్డట్టు అనిపించింది. బయటకు తీసి కనిపించినదాన్ని చూసి కంగారు పడ్డాడు. ఇంత సేపు తన పంటి కింద నమిలింది మరో పన్నా అనుకుని కోపంతో రెస్టారెంట్​ ఓనర్​ను పిలిచి గట్టిగా ప్రశ్నించాడు. 

అతడు కూడా అంతే గట్టిగా ‘అది మాది కాదు..ఎక్కడైనా ఫిర్యాదు చేసుకో పో ’ అని నిర్లక్ష్యంగా సమాధానమిచ్చాడు. ఓ ఫుడ్‌‌‌‌ సేఫ్టీ ఆఫీసర్​కు ఫోన్​చేస్తే తనిఖీ చేయకుండానే..‘వచ్చింది పన్నే కదా..ఏదో ఒకటి మాట్లాడుకుని సెటిల్‌‌‌‌ చేసుకో’ అని ఆఫర్​ ఇచ్చాడని బాధితుడు వాపోయాడు. అయినా పట్టువదలకుండా పదే పదే ఫుడ్​ సేఫ్టీ డిపార్ట్​మెంట్​కు పోన్​ చేయడంతో మరో ఆఫీసర్ తనిఖీలకు ​వచ్చారు. కిచెన్ తో పాటు ఫ్రిజ్ లో నిల్వ చేసిన మాంసాన్ని చెక్​చేసి  శాంపిల్స్​ను ల్యాబ్​కు పంపారు. విచారణ జరిపి చర్యలు తీసుకుంటామని హామీ ఇచ్చారు.