నిజామాబాద్ జిల్లా: శ్రీరాంసాగర్ ప్రాజెక్టు ఎగువన మహారాష్ట్రలో ఉన్న బాబ్లీ ప్రాజెక్టు గేట్లను అధికారులు నేడు మూసివేశారు. సుప్రీంకోర్టు ఆదేశాల ప్రకారం ప్రతి సంవత్సరం జూలై 1 నుంచి అక్టోబర్ 28 వరకు బాబ్లీ గేట్లను తెరిచి ఉంచుతారు. ఈ గడువు ముగియడంతో తెలంగాణ, మహారాష్ట్ర రాష్ట్రాలకు చెందిన అధికారుల సమక్షంలో గేట్ల మూసివేత ప్రక్రియను చేపట్టారు.
గోదావరి నదిపై నిర్మించిన బాబ్లీ ప్రాజెక్టు, శ్రీరాంసాగర్ ప్రాజెక్టు ఎగువన ఉండటంతో తెలంగాణ రాష్ట్రానికి సాగునీటి పరంగా ప్రాధాన్యత కలిగి ఉంది. గోదావరి జలాల వినియోగం, నీటి ప్రవాహాల పర్యవేక్షణలో భాగంగా బాబ్లీ గేట్ల నిర్వహణపై సుప్రీంకోర్టు నిర్దేశించిన నిబంధనలు అమలులో ఉన్నాయి.
ఈ నేపథ్యంలో నిర్ణీత గడువు ముగియడంతో రెండు రాష్ట్రాల అధికారుల సమక్షంలో బాబ్లీ గేట్లను మూసివేశారు. సుప్రీంకోర్టు ఆదేశాలకు అనుగుణంగా గేట్ల నిర్వహణ చేపట్టినట్లు అధికారులు తెలిపారు.బాబ్లీ గేట్ల మూసివేతతో శ్రీరాంసాగర్ ప్రాజెక్టు పరిధిలో గోదావరి జలాల ప్రవాహం, నీటి లభ్యతపై రైతులు, సాగునీటి రంగం వర్గాలు ఆసక్తిగా గమనిస్తున్నాయి.
