శ్రీ వెంకటేశ్వర క్రియేషన్స్ బ్యానర్‌పై మహేష్ బాబు, పూజా హెగ్డే హీరో హీరోయిన్లుగా వంశీ పైడిపల్లి దర్శకత్వంలో వచ్చిన సినిమా ‘మహర్షి’. దిల్ రాజు, సి. అశ్వనిదత్, ప్రసాద్ వీ. పొట్లూరి నిర్మాతలుగా వ్యవహరించారు. మే 9, 2019న విడుదలయైన ఈ సినిమా రూ. 130 కోట్ల బడ్జెట్‌తో తెరకెక్కి.. బాక్సాఫీస్ వద్ద 170 కోట్ల రూపాయలను వసూల్ చేసింది. దీన్ని బట్టే అర్థంచేసుకోవచ్చు ప్రేక్షకులు ఈ సినిమాను ఎంతగా ఆదరించారో.
తాజాగా ట్విట్టర్ ‘మోస్ట్ ఇన్‌ఫ్లుయన్షల్ మూమెంట్స్ ఆన్ ట్విట్టర్’లో చోటు సంపాదించుకున్న ఐదు ప్రోగ్రామ్‌లను ప్రకటించింది. వీటిలో విశ్వాసం మొదటిస్థానంలో ఉండగా, లోకసభ ఎలక్షన్స్ 2019 మరియు సీడబ్ల్యూసీ 19 వరుసగా రెండు, మూడు స్థానాలను దక్కించుకున్నాయి. ఆ తరువాత మహేష్ బాబు నటించిన మహర్షి సినిమా నాలుగో స్థానంలో నిలిచింది. తదుపరి ఐదో స్థానంలో హిందువుల పండగ దీపావళి చోటు దక్కించుకుంది. ఈ విషయాన్ని శ్రీ వెంకటేశ్వర క్రియేషన్స్ గర్వంగా తన ట్విట్టర్ ఖాతాలో పోస్ట్ చేసింది. ప్రస్తుతం మహేష్ బాబు.. అనిల్ రావిపూడి దర్శకత్వంలో తెరకెక్కుతున్న ‘సరిలేరు నీకెవ్వరు’ చిత్రంలో నటిస్తున్నారు.
We would like to Thank the Fans of Superstar @urstrulymahesh for making our Epic Blockbuster #Maharshi one of the top influential moment on Twitter in 2019!?⚡@directorvamshi @hegdepooja @allarinaresh @ThisisDSP pic.twitter.com/1mW5xzjSLH
— Sri Venkateswara Creations (@SVC_official) November 13, 2019
