ధర్మసాగర్(వేలేరు), వెలుగు : మహాశివరాత్రిని పురస్కరించుకుని వేలేరు మండలం మల్లికుదుర్ల గట్టు మల్లికార్జున స్వామి ఆలయ ఆవరణలో శనివారం తహసీల్దార్ కోమి వివిధ శాఖల అధికారులతో జాతర ఏర్పాట్లపై సమావేశం నిర్వహించారు. ఈ సందర్బంగా ఆమె మాట్లాడుతూ ఏర్పాట్లపై ఈవో అద్దంకి నాగేశ్వరరావును అడిగి తెలుసుకున్నారు. భక్తులకు ఎలాంటి ఇబ్బందులు లేకుండా చూడాలని సూచించారు.
అనంతరం ఎస్సై సురేశ్ మాట్లాడుతూ జాతరకు వచ్చే భక్తులకు ఎలాంటి అవాంఛనీయ ఘటనలు జరుగకుండా బందోబస్తు ఏర్పాటు చేశామన్నారు. కార్యక్రమంలో గ్రామ సర్పంచ్ జక్కుల మౌనిక సంపత్, ఒగ్గుపూజారులు, అర్చకులు తదితరులు పాల్గొన్నారు. కాగా, ఆలయ నూతన కమిటీని నియమించారు. చైర్మన్గా పల్లె నిరంజన్రెడ్డి, ఐదుగురు డైరెకర్లను నియమించారు.
