వెంకటాపూర్ (రామప్ప), వెలుగు: మహాశివరాత్రి సందర్భంగా యునెస్కో గుర్తింపు పొందిన రామప్ప టెంపుల్ లో జరిగే కల్యాణ, జాగరణ మహోత్సవానికి సంబంధించిన వాల్ పోస్టర్ ను మంత్రి సీతక్క సోమవారం క్యాంప్ ఆఫీస్లో ఆవిష్కరించారు. మహాశివరాత్రి రోజు నుంచి మూడు రోజులపాటు నిర్వహించే ఈ వేడుకలకు సంబంధించి ఆలయ ఈవో బిల్లా శ్రీనివాస్ మంత్రికి వివరించారు.
ములుగు జిల్లా వెంకటాపూర్ మండలం లక్ష్మీదేవిపేట శివాలయంలో మహాశివరాత్రి సందర్భంగా మంత్రి సీతక్క వాల్ పోస్టర్ను ఆవిష్కరించారు. కార్యక్రమంలో కాంగ్రెస్ జిల్లా అధ్యక్షుడు పైడాకుల అశోక్, లక్ష్మీదేవిపేట సర్పంచ్ బొమ్మ కంటి వంశావతి రమేశ్, నాయకులు, కార్యకర్తలు తదితరులు పాల్గొన్నారు.
