సుడిగాలి సుధీర్ హీరోగా ‘పాగల్’ ఫేమ్ నరేష్ కుప్పిలి దర్శకత్వంలో రూపొందుతున్న చిత్రం ‘గోట్’. గ్రేటెస్ట్ ఆఫ్ ఆల్ టైమ్స్‌ అనేది ట్యాగ్‌‌లైన్. దివ్య భారతి హీరోయిన్‌. చంద్రశేఖర్ రెడ్డి మొగుళ్ళ నిర్మిస్తున్నారు. ఈ చిత్రం నుంచి ఇప్పటికే ఒక పాట విడుదలవగా మంచి రెస్పాన్స్ వచ్చింది. తాజాగా హీరో ఇంట్రడక్షన్‌ సాంగ్‌‌ను రిలీజ్ చేశారు మేకర్స్. లియోన్ జేమ్స్ కంపోజ్ చేసిన ఈ పాటకు కాసర్ల శ్యామ్‌ క్యాచీ లిరిక్స్ రాశారు.
పుష్ప’ టైటిల్ ట్రాక్ పాడి పాపులరైన దీపక్‌ బ్లూ ఈ పాటను పాడటం హైలైట్‌‌గా నిలిచింది. ‘బాసే హే నీలా ఉండే లక్కు మాకే లేదురా.. సెలెబ్రిటీ నీకన్నా ఎవడురా’ అంటూ హీరో క్యారెక్టర్‌‌‌‌ను పరిచయం చేస్తూ సాగిన పాటలో సుధీర్ చేసిన డ్యాన్స్ మూమెంట్స్ ఆకట్టుకున్నాయి. ఈ సందర్భంగా నిర్మాత మాట్లాడుతూ ‘ఇప్పటివరకు ఎనభై శాతం షూటింగ్‌ పూర్తయింది. టాకీ పార్ట్‌ దాదాపు పూర్తిచేసుకున్నాం. యాక్షన్‌ ఎపిసోడ్స్‌, రెండు పాటల చిత్రీకరణ బ్యాలెన్స్‌ ఉంది. త్వరలో వాటిని కూడా పూర్తిచేస్తాం’ అని చెప్పారు.
