తమిళ స్టార్ హీరో చియాన్ విక్రమ్(Chiyan Vikram) హీరోగా వస్తున్న లేటెస్ట్ మూవీ ధ్రువ నక్షత్రం(Dhruva Natchathiram). అప్పుడెప్పుడో 2017లో షూటింగ్ మొదలుపెట్టుకున్న ఈ సినిమా.. ఇప్పటివరకు రిలీజ్ కు నోచుకోలేదు. గౌతమ్ మీనన్(Goutham menon) దర్శకత్వంలో తెరకెక్కిన ఈ సినిమా.. 2018లో ఈ సినిమా రిలీజ్ కావాల్సింది. కానీ కొన్ని అనివార్య కారణాల వల్ల ఈ సినిమా రిలీజ్ లేట్ అవుతూ వస్తోంది. విక్రమ్ అభిమానులు కూడా ఈ సినిమా కోసం చాలానే వెయిట్ చేస్తున్నారు. రీసెంట్ గా ఈ సినిమా రిలీజ్ చేయడానికి సిద్ధమయ్యారు మేకర్స్. ప్రమోషన్స్ లో భాగంగా సాంగ్స్ కూడా రిలీజ్ చేస్తున్నారు.
అయితే తాజాగా ఈ సినిమా నుండి వినిపిస్తున్న న్యూస్ ఒకటి సోషల్ మీడియాలో తెగ వైరల్ అవుతోంది. అదేంటంటే.. దాదాపు ఐదేళ్ల తరువాత రిలీజ్ కు సిద్దమైన ఈ సినిమా నుండి హీరోయిన్ సీన్స్ ను తొలగించారట. ఈ సినిమా లో ఇద్దరు హీరోయిన్ నటిస్తున్న విషయం తెలిసిందే. అందులో ఒకరు రీతూ వర్మ(Rithu varma) కాగా మరొకరు ఐశ్వర్య రాజేష్(Aishwarya Rajesh). తాజాగా ఈ మూవీ రిలీజైన మై నేమ్ ఈజ్ జాన్ అనే పాటలో ఐశ్వర్య రాజేష్ పేరు కనిపించలేదు. దీంతో ఈ సినిమా నుండి ఆమెను తీసేసినట్టు వార్తలు వినిపిస్తున్నాయి.
ఈ విషయం తెలుసుకున్న ఐశ్వర్య రాజేష్ ఫ్యాన్స్ మేకర్స్ పై మండిపడుతున్నారు. రిలీజ్ కు సిద్దమైన సినిమా నుండి తనను ఎలా తీసేస్తారంటూ కామెంట్స్ చేస్తున్నారు. అయితే ఈ వార్తలపై అధికారిక ప్రకటన రావాల్సి ఉంది.
