పెళ్లిళ్లు, పండుగల సీజన్ ఇది. నలుగురిలో కొత్తగా కనిపించేందుకు కొందరు హెవీ మేకప్ వేసుకుంటారు. అయితే మేకప్ తీసేటప్పుడు కొన్ని విషయాలు గుర్తుంచుకోవాలి. అవేమిటంటే...
మేకప్ తొలగించేటప్పుడు ముఖాన్ని గట్టిగా రుద్దకూడదు.
మేకప్ తీసేయడం తొందరగా అవుతుందని వైపర్స్ వాడుతుంటారు. అయితే వైపర్స్తో మొత్తం మేకప్ పోదు.
క్లెన్సర్తో ముందుగా మేకప్ని తీసెయ్యాలి. అందుకోసం ఆయిల్ బేస్డ్ క్లెన్సర్తో ముఖం మీద 10–15 సెకన్లు మసాజ్ చేయాలి. ఇలాచేస్తే లిప్స్టిక్ కూడా పోతుంది.
మేకప్ తీసేసిన తర్వాత నీళ్లతో ముఖం కడుక్కోవాలి. వెచ్చని టవల్ని ఫేస్ మీద కొంచెం సేపు ఉంచుకుంటే చర్మరంధ్రాలు తెరచుకుంటాయి. మేకప్ తీసేశాక తర్వాత పెదాలకి లిప్బామ్, ముఖానికి మాయిశ్చరైజర్ రాసుకుంటే బెటర్.
